Partiyadan namizədliyə görə istefa
Klassik Xalq Cəbhəsi Partiyasında (KXCP) funksioner istefa verib.
Versus.Az PressClub.Az-a istinadən xəbər verir ki, partiyanın Nəsimi rayon təşkilatının sədri Südeyif Sadıqlı qurumdan istefa verdiyini açıqlayıb:
“KXCP Nizami rayon şöbəsinin sədri olaraq partiya sıralarından istefa verirəm”.
S.Sadıqlı bunun səbəbini açıqlamayıb.
PressClub.Az-ın əldə etdiyi məlumata görə isə istefanın səbəbi KXCP sədri Mirmahmud Mirəlioğlunun prezident seçkilərinə namizədliyini verməsidir. Bildirilir ki, partiya funksionerlərinin əksəriyyəti Mirmahmud Mirəlioğlunun seçkilərə qatılmasının əleyhinədir. Onlar partiyanın boykot yolu tutmasının tərəfdarıdırlar. Mirəlioğlu isə onlarla razı olmadığından, istefaya getməkdədirlər.
Məlumata görə, bundan sonra bir neçə şəxs də istefa verməyi düşünür.
Xəbər lenti
Naxçıvanda təhsil ilə bağlı YENİLİKLƏR
"İlk dəfə IV və VI sinif şagirdləri üçün yoxlama keçiriləcək"