Zaur İbrahimli: "Bayden prezident seçildikdən sonra Paşinyan komandası çox qüvvətlənəcəkdi"
"Ölkəmizin bu ərəfədə mümkün olan yeganə şansdan istifadə etməkdən - müharibəyə başlamaqdan başqa yolu yox idi".
Versus.Az xəbər verir ki, bunu Azərbaycan, Rusiya, Ermənistan arasında imzalanan üçtərəfli Bəyanatla bağlı açıqlamasında siyasi ekspert Zaur İbrahimli bildirib.
Ekspert şəxsi "facebook" hesabında yazır:
"Unutmayaq, birinci, ermənilər, konkret Paşinyan komandası Qarabağda Livan və Suriya ermənilərini məskunlaşdırma siyasətini intensiv aparırdı. Bu davam etsəydi, Azərbaycan üçün dəhşətli nəticələr olacaqdı. İkinci, ciddi şəkildə regionu Ermənistana bağlayan kommunikasiyalar qurulurdu, yollar, hava limanları və s. tikilirdi. Üçüncü, Şuşada qondarma parlament binsaı tikməklə, bütün dünyaya mesaj verirdilər ki, Azərbaycan işğal faktı ilə barışıb. Bizim real addım atmamağımız bunun təsdiqi olardı. Dördüncü, Bayden ABŞ prezidenti seçildikdən sonra Paşinyan komandası çox qüvvətlənəcəkdi və Azərbaycanın beynəlxalq dayaqları zəifləyəcəkdi.
Ona görə də bəziləri "1989-a qayıdırıq", "rus gəlir" fikirləri ilə yanaşı, yeni təhdidlərin aradan qaldırılması və yeni reallıqlar barədə də danışsınlar lütfən".
SEVDA
Versus.Az