MMP də namizədini irəli sürdü
“Adını müxalifət qoyan, Soros Fondundan maliyyələşən bəzi qüvvələr ölkədə müəyyən problemlər yaratmağa cəhd edirlər”.
Versus.Az-ın məlumatına görə, bunu fevralın 10-da Müasir Müsavat Partiyasının Siyasi Şurasının növbədənkənar iclasında partiyanın sədri Hafiz Hacıyev deyib. O, prezident seçkilərinin aprel ayında keçirilməsinin qanunvericiliyə uyğunluğunu deyib:
“Seçkilər ölkənin Konstitusiyasına uyğun keçiriləcək. Azərbaycanın müstəqil xarici siyasət kursu var. Vaxtilə mənimlə birgə hakimiyyətdə olan bugünkü radikal qüvvələr qarayaxma kampaniyası aparırlar. Əli Kərimlinin, Cəmil Həsənlinin seçkilərdə iştirak etməməsi heç nəyi dəyişmir. Mən də müxalifətəm və prezident seçkilərində iştirak etmək niyyətindəyəm”.
Siyasi Şuranın iclasında Müasir Müsavat Partiyasının prezident seçkilərində iştirak etməsi və partiya sədri Hafiz Hacıyevin prezidentliyə namizədliyinin irəli sürülməsi barədə qərarlar qəbul edilib.
Daha sonra MMP-nin prezident seçkilərində səlahiyyətli nümayəndəsi və maliyyə məsələləri üzrə səlahiyyətli nümayəndəsi təsdiq edili. Beləliklə, partiyanın ideoloji sahə və mətbuat məsələləri üzrə müavini Könül İsmayılova MMP-nin prezident seçkilərində səlahiyyətli nümayəndəsi, sədrin müşaviri Əli İmanov isə maliyyə məsələləri üzrə səlahiyyətli nümayəndəsi seçilib.
Təbirin sonunda H.Hacıyev MMP-nin rayon təşkilat sədrlərinə təşkilatlanma və seçkiyə hazırlıqlarla bağlı tövsiyyələr verib. Partiya sədri vurğulayıb ki, bu seçkilərdə iki güclü namizəddən biri seçiləcək:
“Prezident ya mən, ya da qardaşım İlham Əliyev seçiləcək. Nə olsun ki, namizəd olaraq rəqibik, etiraf etmək lazımdır ki, o, məndən daha güclüdür”.
ARZU
Versus.Az
Xəbər lenti
Xocalıda insan qalıqları AŞKAR EDİLİB
İtkin düşmüş, girov götürülmüş vətəndaşlarla əlaqədar...