Millət vəkili Dünya Müsəlman-Türk və Suriya Türkmənləri qurultayında çıxış edib

13:54 21-09-2018 | icon 55 | Siyasət
Millət vəkili Dünya Müsəlman-Türk və Suriya Türkmənləri qurultayında çıxış edib

Millət vəkili Qənirə Paşayeva Dünya Müsəlman-Türk və Suriya Türkmənləri qurultayında iştirak edib.

 

Versus.Az-ın məlumatına görə, çıxışında bu gün qardaşlıq günüdür, birlik və bərabərlik günüdür deyən millət vəkili Q.Paşayeva “insanlarımız daha çox acı çəkməməsi, zülm görməməsi üçün birlik və bərabərliyimizi daha da gücləndirməli və onların yanında olmalıyıq” deyib.

 

Qurultayda çıxışında Türk dünyasına səslənərək "bütün Türk, Müsəlman çoğrafiyasında yaşayan, bu gün acı və kədər içində olan qardaş-bacılarımıza dəstək olmalıyıq və mən bütün türkləri bu gün Suriyada Bayırbucakda, İraqda Təlafər, Kərkükdə, Krımda, Axısxada, Qarabağda, harada əziyyət çəkən insanımız varsa, onlara hər zaman əlinizdən gələn köməyi əsirgəməməyə çağırıram" deyən millət vəkili Q.Paşayeva harada doğulub harada yaşamasından asılı olmayaraq hər bir Türk insanını imkanları daxilində Suriya və İraq türkmənlərinə yardım göstərməyə çağırıb.

 

"Biz maddi yardımlarla bərabər mənəvi, siyasi dəstəyimizlə də daha çox onların yanında olmalıyıq" - deyə, Qənirə Paşayeva bütün dünyada yaşayan türk insanını Suriya və İraq türkmənlərinin səsi olmağa və onlarla bağlı həqiqətlərin dünyaya daha geniş duyurulmasında fəal olmağa çağırıb. Suriya və İraq türkmənlərinin vəziyyəti ilə bağlı Avropa Şurası Parlament Assambleyasında çıxış edərək, çağırış səsləndirdiyini deyən millət vəkili beynəlxalq təşkilatları, BMT, ATƏT-i və beynəlxalq ictimaiyyətin Suriya və İraq türkmənlərinin vəziyyətinə və baş verənlərə biganə, laqeyd münasibətini kəskin qınayıb. O, bildirib ki, TÜRK PA və İslam Konfransı Təşkilatı bu məsələdə daha da fəal rol oynayaraq Suriya və İraq türkmənlərinə ciddi dəstək istiqamətində addımları artırmalıdır.

 

Türk Dünyasının Suriya ve İraq türkmənlərinə daha çox diqqət göstərməsinin vacibliyini vurğulayan Qənirə Paşayeva diaspor təşkilatlarımızın da türkmənlərin səsini beynəlxaql ictimaiyyətə daha geniş duyurulması istiqamətində fəallığını artırmalarının vacibliyini xüsusi vurğulayıb. Millət vəkili bildirib ki, 1 milyon insanı Ermənistanın işğalçılığı səbəbindən qaçqın və məcburi köçkün düşmüş Azərbaycan və Azərbaycan Türkləri Suriyadan və İraqdan köçkün düşmüş qardaş-bacılarımızın acılarını çox yaxşı anlayır və hər zaman yanınızdayıq və ümid edirik ki, inşallah yaxşın zamanlarda öz evlərinizə dönə biləcəksiniz deyib. Millət vəkili bildirib ki, bundan sonra da bütün beynəlxalq platformalarda onların səsini duyurmağa çalışacaq.

 

Tədbirdə Q.Paşayevaya Suriya və İraq türkmənlərinin hüquqlarının müdafiəsi istiqamətində göstərdiyi fəaliyyətinə və dəstəyinə görə təşəkkür plaketi tədbir təşkilatçıları tərəfindən təqdim edilib.

 

Millət vəkili Q.Paşayeva Hatay vali yardımçısı, Hatay millət vəkilləri, qeyri-hökumət təşkilatları, KİV nümayəndələri ilə görüşüb, Azərbaycan, Dağlıq Qarabağ münaqişəsi ilə bağlı geniş məlumat verib, fikir mübadiləsi aparılıb.

Millət vəkili eyni zamanda Anadolu agentliyinə, TRT, TRT Haber kanallarına və digər tanınmış media qurumlarına müsahibələr verib, suallarını cavablandırıb.

Xəbər lenti

InvestAZ

Ən çox oxunan xəbərlər

Millət vəkili AŞPA-da mədəniyyətlərarası dialoqla bağlı suallar səsləndirib

Himnimizə münasibət – FLƏŞMOB

“Məni agentlikdə ittiham etməklə...”

“Müxalifət şou göstərisindədir hələ ki” - MÜSAHİBƏ

Yalnız möhürü və katibəsi olanlar

Partiya sədrindən nazirə açıq məktub

Professor Qara Mustafayevlə vida mərasimi keçirilib

Mühacirət müxalifəti üzərindən oynanan oyunlar

"Hamıya silah paylanacaq"

"Bu suala cavab verməyə çətinlik çəkirəm"

Bu avtobuslarda pulsuz "Wi-Fi" olacaq

Tıxaca səbəb olan sürücülərə müraciət edildi

"Daha güzəştlik heç nə qalmayıb"

SƏM milli dövlətçilik tərəfdarlarını təmkinli davranmağa çağırıb

"Müstəqilliyimizi necə qazandıq?" - AXCP-də MÜZAKİRƏ