AXCP Oğuz rayon şöbəsinin sədrinə və üzvlərinə təzyiqlər davam edir

15:23 21-09-2018 | icon 224 | Siyasət
AXCP Oğuz rayon şöbəsinin sədrinə və üzvlərinə təzyiqlər davam edir

İlkin Məmmədov: "Təzyiq göstərmək əvəzinə prezidentliyə sabiq namizədlə görüşsəydi, daha yaxşı olmazdımı?"

 

 

Versus.Az Cebhe.info-ya istinadən AXCP-nin Oğuz rayon təşkilatının sədri İlkin Məmmədovun açıqlamasını təqdim edir:

 

İki gün əvvəl Azərbaycan Xalq Cəbhəsi Partiyasının (AXCP) Oğuzda cəbhəçilərlə, eləcə də rayon sakinləriylə görüş keçirdiyini xəbər vermişdik. Bildirildiyi kimi, görüşün baş tutmasına maneə yaradılmış, partiyanın rayon təşkilatının üzvlərinə müəyyən təzyiqlər olmuşdu. Hazırda AXCP Oğuz rayon şöbəsinin sədrinə və üzvlərinə olan təzyiqlər davam edir. Bu barədə açıqlamasında partiyanın rayon təşkilatının sədri İlkin Məmmədov məlumat verib. O bildirib ki, ailəsi ilə yanaşı rayon cəbhəçiləri yerli hüquq-mühafizə orqanları tərəfindən iki gündür ki, sıxışdırılır:

 

“AXCP sədri Razi Nurullayev Oğuza gəldiyi üçün cəbhəçilər və yerli vətəndaşların iştirakı ilə bir görüş keçirdik. Dünən Oğuz rayon Polis Şöbəsinin əməkdaşları atamı və görüşdə iştirak edən vətəndaşları şöbəyə apararaq onlardan izahat tələb ediblər. Bildirirlər ki, burada qanunsuz tədbir keçirilib. Biz qanundankənar heç nə etmədik. Yığışdıq və danışdıq. Dövlət və dövlətçilik bizim üçün bütün maraqlardan öndə gəlir. Ona görə də yerli hakimiyyət bu kimi görüşlərdə bizə dəstək versə, daha faydalı olar. Oğuzda çox sayda məcburi köçkün yaşayır. “Cümhuriyyət TV” internet televiziyası çəkiliş edərək problemi olan sakinlərdən müsahibə alıb. Amma bununla bağlı da narazılıq yaranıb ki, niyə çəkiliş edilib. Anlamıram, burada nə var ki? Jurnalistə hər kəs problemini danışa bilər və jurnalistin də həmin məsələni ictimailəşdirmək hüququ var. Biz hər hansı problem yaradan deyilik və məqsədimiz cəmiyyətə xidmətdir. İstəyim odur ki, atamı və orada iştirak edən insanları narahat etməsinlər. Çünki görüşün təşkilatçısı və şöbənin sədri mənəm. Mənim telefonum, ünvanım var. Onların əvəzinə mən açıqlama verə bilərdim. Partiyamızın şüarı var ki, biz sivil mübarizə aparırıq”.

 

İlkin Məmmədov əlavə edib ki, rayon təşkilatı olaraq yerli hakimiyyət orqanlarilə hər zaman əməkdaşlığa hazır olublar:

 

“Hər hansı problem yaratmaq niyyətimiz olmayıb. Bundan sonra da istənilən məsələni müzakirə edə bilərik”. 

 

Qeyd edək ki, siyasi təşkilatların görüş və ya tədbirlərinə yerli orqanların şərait yaratması və onlarla əməkdaşlıq etməsi cəmiyyətə daha çox xeyir verə bilər. Bu, cəmiyyətdə qarşılıqlı inam və münasibətin formalaşmasına zəmin yaradar. 

 

“Təzyiq əvəzinə rayon rəhbərliyi Oğuza gələn nümayəndələrlə, prezidentliyə sabiq namizəd Razi Nurullayevlə görüşsəydi, daha yaxşı olmazdımı? Təbii ki, daha yaxşı olardı”,-deyə həmsöhbətimiz vurğulayıb.

Xəbər lenti

 Eks deputatlığa namizəd Qubanın rəsmilərinə, millət vəkilinə səsləndi

Əlabbas Məhərrəmli: "Dağlı kəndinin əhalisinə də səslənirəm: qarşıdan bələdiyyə seçkiləri gəlir, vəziyyətinizə baxın və sizi uzun illər susuzlugdan xilas edə bilməyən, bələdiyyənin indiki rəhbərliyinə, üzvlərinə bir nəfər kimi yox deyin"

Güzgüləri sındırmaqla eyiblər yox olmur...

 Media tarixinin ən unikal və kuryoz olayları

"Çinin bu ədalətli mövqeyi bizim tərəfimizdən təqdir edilir və qiymətləndirilir"

"Bu, iqtisadi terrorizmdir" - Zərif

Gürcüstanın parlament komitəsində Keşikçidağla bağlı qapalı dinləmənin keçirilməsi tələb olunur

“Dağlıq Qarabağ münaqişəsinin hərbi yolla həlli yoxdur"

Dünya tarixinə damğa vuran ilk türk hökmdar qadın Tomrisin həyatı filmə çevrilib – VİDEO

Qarabağ Komitəsi BŞİH ilə razılaşmadı

Beynəlxalq olimpiada mükafatçısı: “Qəbul imtahanında iştirak etmədim, çünki...”

“Jurnalistika” ixtisasına qəbul olmaq istəyənlərin nəzərinə - Qeydiyyat başlayır

Hazırda həkim işləyənlər rezidenturaya ərizə verə bilərlər?

Azərbaycan milli mətbuatının 144 yaşı tamam olur

Qəbul imtahanlarında ümumilikdə bu qədər abituriyent qovulub - RƏSMİ

 "I ƏKİNÇİ KUBOKU" mini futbol turniri başa çatıb

Türkiyədə daşınmaz əmlak alan Azərbaycan vətəndaşlarının sayı artıb

İrəli
InvestAZ

Ən çox oxunan xəbərlər

İqbal Ağazadə hökumətə səsləndi-VİDEO

“Belə mətbuatın nəyini təbrik edəsən?” - MÜSAHİBƏ

Leyla Yunus Elçibəyi KQB agenti adlandırdı

713-cü batalyonun döyüşçüləri Şəhidlər Xiyabanında olub

DGKA rəisi abituriyentlər və valideynlərlə görüşdü

Bu xəstəliyin ilkin mərhələsində həkimə müraciət mütləqdir

“Azərbaycan mətbuatının ictimai fikrə təsir yükü var” - MÜSAHİBƏ

İnanılmaz: dənizdə boğulub "ölən" gənc ayıldı

Xarici diplomat AXH-nin ofisinə polis basqısı ilə maraqlanıb

Sosial şəbəkədə “qocalıq” trendi: Əyləncəli görünən təhlükələr

İqbal Ağazadədən Keçikçidağ hadisəsi ilə bağlı sərt mövqe

Əl quruması - iflici nədir və müalicəsi varmı? /FOTO-VİDEO/

Azərbaycanın Keçişçidağ qalmaqalı və sərinləşən münasibətlər

ALDP Keçikçidağ ilə bağlı bəyanat verdi

Polis leytenantı özünü güllələdi