Məhəmməd Əsədullazadə: "Türkiyə Rusiya ilə danışıqlarda birgə patrul sisteminin yaradılmasına nail oldu"
"Türkiyə Rusiya ilə danışıqlarda birgə patrul sisteminin yaradılmasına nail oldu. Moskva bu planı qəbul etmirdi. Görünür tərəflər yenidən güzəştə gedib. Rusiya belə bir patrul xidmətinin ilk başdan əleyhinə idi. Xüsusilə Lavrov xətti buna qarşı çıxırdı".
Versus.Az xəbər verir ki, bunu açıqlamasında MCP sədri, politoloq Məhəmməd Əsədullazadə bildrib.
Politoloq vurğulayıb ki, Türkiyə müstəqil müşahidə sistemi yaratması Azərbaycanla razılaşmalıdır. Rusiyanın buna qarşı çıxması müsbət nəticə verməyəcək:
"Türkiyə Azərbaycan tandemi Qarabağda Rusiyanın siyasi müstəvidə planlarını neytrallaşdırmağa çalışmalıdır. Rusiya prezidenti Vladimir Putin açıqlamada Qarabağın statusunu Azərbaycan və Ermənistanın ortaq maraqlarına uyğun həllini qeyd edib.
Ümumiyyətlə, Putinin məlum bəyanatı Azərbaycanın maraqlarına cavab vermir. Görünür Türkiyənin patrul sistemində qərarlı olması Putinin belə bir açıqlama verməsini şərtləndirib. Qəti şəkildə Qarabağa hərhansı bir statusun verilməsi və Ermənistanın maraqlarına uyğun danışıqlar prosesin başlanmasına getmək olmaz. Azərbaycan və Türkiyə Xankendinin yalnız Azərbaycanın yuridiskiyasının təmini istiqamətində çalışmalıdır".
SEVDA
Versus.Az
497 |
Geopolitika
