"Fransanın buradakı səfiri qovulmalı, bizim səfir geri çağrılmalıdır"
Hafiz Hacıyev: "Paşinyanı iti qovan kimi qovduğumuz kimi, onları da qovmaq lazımdır"
Azərbaycanda Fransa səfirliyinin önündə aksiyaların keçirilməsinə start veriləcək.
Versus.Az xəbər verir ki, bu barədə Müasir Müsavat Partiyasının (MMP) sədri Hafiz Hacıyev bildirib.
Partiya sədri qeyd edib ki, təcili olaraq Fransanın buradakı səfiri qovulmalıdır, bizim səfir geri çağrılmalıdır:
"ATƏT-in Minsk qrupuna daxil olan dövlətin belə bir qərar qəbul etməsi yolverilməzdir. Bu qrupdan imtina etmək lazımdır. Çünki, artıq "qırmızı xətt" keçilib. Fransanın Azərbaycanda nə qədər şirkəti varsa, hamısı əllərindən alınıb, embarqo qoyulmalıdır. Paşinyanı iti qovan kimi qovduğumuz kimi, onları da qovmaq lazımdır".
H.Hacıyev MMP olaraq Fransanın Azərbaycandakı səfirliyi qarşısında aksiya keçirilməsini müzakirə edəcəklərini vurğulayıb:
"Lazım olarsa, ardıcıl olaraq Fransanın Azərbaycandakı səfirliyi qarşısında aksiyaları keçirəcəyik. Azərbaycan cəmiyyəti bir olaraq dövlətin, ölkə başçısının yanındadır!"
Qeyd edək ki, Fransa senatı ölkə hökümətini qondarma "Dağlıq Qarabağ Respublikası"nı noyabrın 25-də tanımağa çağıran qərarı qəbul edib. Bu barədə məlumatı "TASS" yayıb. Səsverməyə qatılan 306 senatordan 305-i qərarın qəbul edilməsinə səs verib. Fransa Xarici İşlər Naziri Baptiste Lemoine bildirib ki, qondarma respublikanın tək tərəfli tanınması kimsəyə fayda verməyəcək.
SEVDA
Versus.Az
Xəbər lenti
“Azərbaycan anlayır ki, Fransa bunu təkbaşına etmir”
“Hətta ABŞ Ermənistana heç bir təhlükəsizlik təminatı verə bilməz”