Siyasi şuranın növbədənkənar iclası keçiriləcək

Seçkilərin önə çəkilməsi ilə əlaqədar olaraq Müasir Müsavat Partiyası idarə heyətinin növbədən kənar iclası çağrılıb.

Partiyanın Mətbuat Xidmətindən Versus.Az-a verilən məlumata görə, iclasda seçkilərin tarixinin önə çəkilməsi müzakirə olunub. Qərara alınıb ki, fevralın 10-da saat 12:00-da Beynəlxalq Mətbuat Mərkəzində MMP siyasi şurasının növbədənkənar iclası keçirilsin. İclasda partiyanın prezidentliyə namizədinin adı açıqlanacaq. Tədbir media mənsubları və ictimaiyyət nümayəndələri üçün açıqdır.

Qeyd edək ki, Prezident İlham Əliyev fevralın 5-də “Növbədənkənar Azərbaycan Respublikası Prezidenti seçkilərinin elan edilməsi haqqında” Sərəncam imzalayıb. Sərəncamda Mərkəzi Seçki Komissiyasına növbədənkənar Azərbaycan Respublikası Prezidenti seçkilərinin 2018-ci il aprelin 11-nə təyin olunmasını və Azərbaycan Respublikasının Seçki Məcəlləsində müəyyən edilmiş qaydada keçirilməsini təmin etmək tapşırılıb.

Ləman
Versus.Az