Akif Aşırlı: “Türkiyəyə qarşı bu cür münasibət qəbulolunmazdır”

“Hansısa politoloqun, yaxud cəmiyyətə tanınmış simalar kimi təqdim olunanların "Qarabağda Türkiyə qoşunları olmamalıdır" fikrini dövriyyəyə buraxanlar bu millətin düşmənləridir”.

Versus.Az xəbər verir ki, bunu açıqlamasında “Şərq” qəzetinin baş redaktoru Akif Aşırlı bildirib.

Baş redaktor vurğulayıb ki, onlar erməni və rus marağına xidmət edənlərdir, Azərbaycanın müstəqi dövlətcilik tarixini bilməyənlərdir, Cümhuriyyət tarixinə nifrət edənlərdir:

“Həmin politoloq Rasim Musabəyovun babası Cümhuriyyətin süqutunda burbaşa iştirak edən, Azərbaycanı Rusiya işğalına sürükləyənlərdən biridir. Son Qarabağ savaşında bütün dövləti imkanlarımız Azərbaycanındır deyib, sinəsini beynəlxalq güclərin önündə sipər edən Türkiyəyə qarşı bu cür münasibət qəbulolunmazdır. Milli Məclis bu cür mövqe sərgiləyən Rasim Musabəyova yerini göstərməli, töhmət verməlidir”.

LƏMAN
Versus.Az