Hafiz Hacıyev: “Rasim Musabəyov ömür boyu Rusiyanın adamı olub”

“Nə qədər ki, Milli Məclisdə təyinatla oturan Rasim Musabəyov kimi deputatlar var, onlar “rus maşası” kimi aranı qaışdırmaqla məşğul olacaqlar”.

Bunu Versus.Az-a açıqlamasında Müasir Müsavat Partiyasının (MMP) sədri Hafiz Hacıyev bildirib ki,

Partiya sədri bildirib ki, bu siyasətçilər özlərini gizlətsələr də, bu gün iç üzləri açılır:

“Rasim Musabəyov ömür boyu Rusiyanın adamı olub. Ayaz Mütəllibovun vaxtından bu günə qədər rusmeyilli rəhbərlərin əlinə işləyir. Bu adamın vicdanı yoxdur. Axı Türkiyə bizim qardaşımızdır. Türkiyə bu 45 günlük müharibədə Ali Baş Komandanı tək qoymadı. Ən yüksək səviyyələrdə çıxış edərək Azərbaycanın haqq səsini dünyaya çatdırdılar. Hər an Azərbaycanın yanında olduqlarını bəyan elədilər. Bu münasibətdən sonra bir deputatın çıxıb hansısa rus kanalına belə bir söz deməsi, sadəcə vicdansızlıqdır. Düşünürəm ki, “iti qovanlar” parlamentdə də işə salınmalıdır. Musabəyovun müsahibəsi Prezidentə qarşı yönəlmiş siyasətdir. Çünki Prezidentin Türkiyə ilə bağlı mövqeyi bəllidir. Türkiyə ilə Azərbaycan “bir millət, iki dövlət, qardaşlıq” prinsipi ilə hərəkət edir. Sabah rusbaş deputatlar deyəcəklər ki, Russiya ordusu gəlsin Bakıda otursun. Ona görə də bu cür çıxışlara yol verilməməli və Musabəyov geri çağrılmalıdır”.

SEVDA
Versus.Az