Xalqının Xilaskarı

17:48 05-12-2020 | icon 291 | Siyasət
Xalqının Xilaskarı

Nadir şah Əfşardan sonra Azərbaycan qələbə sevincinə həsrət qalmışdı. Zaman-zaman işğal olunduqca, ərazisi kiçilərək, balaca bir ölkəyə çevrilmişdi. Qarabağ Azərbaycana məxsus olduğuna baxmayaraq, ermənilər orada öz bildikləri kimi hərəkət edir, “Arsax” adlı qondarma respublika qurmuşdular. Ermənistanı dünyaya təcavüzkar ölkə kimi tanıtdırmağa çalışsaq da, uzun müddət idi ki, içimizdə məğubiyyətin ağrı-acısını yaşayırdıq. Dünya bizi - bir ovuc erməniyə məğlub olmusunuz - deyə, qınayırdı...

 
İti zəkası, dərin ağlı, parlaq təfəkkürü Onu həmişə möhtəşəm göstərir. Duyğusal və ruhən şən olması ilə bərabər, emosional insandır. Gözəl yaddaşı var, diqqətindən heç nə yayınmır. Gözlənilməz hadisələr Onu təəccübləndirmir, təsadüfün zəruriyyətdən yarandığını yaxşı bilir. Zahirən ciddi və sərt görünsə də, əslində mərhəmətlidir, necə deyərlər, ipək kimi qəlbi var. Hadisələrin mahiyyətini məntiqlə şərh edir və qəbul etdiyi qərarları vaxtından əvvəl açıqlamır. Ürək qızdırdığı insanlara qarşı zarafatcıl, səmimidir. Dost seçimində tələsmir, real keyfiyyətlərə əsaslanır...
 
 
...Atası Heydər Əliyev müxtəlif ictimai quruluşlarda Azərbaycan Respublikasına rəhbərlik edib. Azərbaycanın tarixində dönüş yaradaraq, ölkənin istiqamətini tənəzzüldən tərəqqiyə doğru çevirən şəxsiyyətdir. İnsanlar tərəfindən sevilərək, Azərbaycan xalqının Ulu Öndəri kimi qəbul edilib.
 
 
Anası Zərifə xanım Əliyeva elmin ən yüksək zirvəsinə, akademik səviyyəsinədək yüksələ bilib. Xeyirxah, mərhəmətli, əsl Azərbaycan xanımı kimi yaddaşlarda yaşayır.
 
 
Yeganə bacısı Sevil xanım “Sevil” Qadınlar Məclisinin sədri, “SOS” Uşaq Kəndləri- Azərbaycan Assosiasiyasının fəxri prezidenti, bəstəkar və “Space” Televiziyasının qurucusudur. Londonda yaşayır...
 
 
Bəli, məhz Onun rəhbərliyi altında Qarabağ işğaldan azad olundu, müstəqil Azərbaycan Respublikasının ərazi bütövlüyü təmin edildi. O, 1961-ci ldə Bakı şəhərində dünyaya gəlib. Orta təhsilini Bakı şəhər 6 saylı məktəbdə aldıqdan sonra, Moskva Dövlət Beynəlxalq Münasibətlər İnstitutuna qəbul olunub. Ali təhsilini başa vuraraq, institutun aspiranturasında təhsilini davam etdirib və 1985-ci ildə tarix elmləri namizədi elmi dərəcəsinə yiyələnib. Beş il Moskva Dövlət Beynəlxalq Münasibətlər İnstitutunda müəllim işləyib. Sonra dörd il özəl biznes sahəsində çalışıb. Bir sıra istehsal-kommersiya müəssisələrinə rəhbərlik edib. 1994-cü ildən başlayaraq doqquz il Azərbaycan Respublikası Dövlət Neft Şirkətinin vitse-prezidenti, birinci vitse-prezidenti vəzifələrində işləyib. Suveren Azərbaycanın neft siyasətinin geosiyasi aspektlərinə dair bir sıra tədqiqat işlərinin müəllifidir. Siyasi elmlər doktorudur. 1995-ci və 2000-ci illərdə Milli Məclisə deputat seçilib. 2003-cü ildə Azərbaycan Respublikasının Baş naziri vəzifəsinə təyin edilib. 2003-cü il 15 oktyabrda ilk dəfə Azərbaycan Republikasının Prezidenti vəzifəsinə seçilib. Hazırda Azərbaycan Respublikasının Prezidenti, Silahlı Qüvvələrinin Ali Baş Komandanıdır. Ana dili ilə yanaşı, rus, ingilis, fransız və türk dillərini mükəmməl bilir...
 
 
Səbrli insandır. Nizam-intizama ciddi fikir verir. Qərar verməkdə tələsmir. Qərar verdisə təzyiqlərə məhəl qoymadan həyata keçirir. Tərifə və ya biganəliyə fikir vermədən məqsədinə doğru irəliləyir. Gücünə, intelektinə yaxşı bələddir. Şəxsiyyətini sevdirməyi, ürəkləri fəth etməyi bacarır. Lider olmaq Onun alın yazısıdır. Strategiyası, xalqını xoşbəxt, ölkəsini firəvan görməkdir...
 
 
...Ömür-gün yoldaşı Mehriban xanım Əliyeva ölkənin ictimai-siyasi həyatında kifayyət qədər xidmətləri olan dövlət xadimidir. Leyla, Arzu, Heydər adlarında üç övladın atası, dörd nəvənin babasıdır...
Ulu Öndər Heydər Əliyev Onun haqqında deyirdi: - "Üzümü sizə - həmvətənlərimə tutaraq qarşıdan gələn prezident seçkilərində prezidentliyə namizəd, mənim siyasi varisim, Yeni Azərbaycan Partiyası Sədrinin I müavini İlham Əliyevi dəstəkləməyə çağırıram. O, yüksək intellekt, praqmatik düşüncəli, müasir dünya siyasətini və iqtisadiyyatını gözəl bilən, enerjili və təşəbbüskar bir şəxsiyyətdir. Sizi əmin edirəm ki, həm İlham Əliyev, həm də Yeni Azərbaycan Partiyası bundan sonra da xalqımızın ən layiqli övladlarını öz ətrafında sıx birləşdirərək, Azərbaycan dövlətinin inkişafı və xalqımızın firəvanlığı yolunda çox işlər görəcəklər. İnanıram ki, mənim axıra çatdıra bilmədiyim taleyüklü məsələləri, planları, işləri sizin köməyiniz və dəstəyinizlə İlham Əliyev başa çatdıra biləcək. Mən Ona özüm qədər inanıram və gələcəyinə böyük ümidlər bəsləyirəm"...
 
Bəli, O, Ulu Öndərin bütün ümidlərini doğrulda bildi. Ölkəmizin ərazi bütövlüyünü təmin edərək, Azərbaycan tarixində böyük siyasətçi, sarsılmaz lider, məğlubedilməz sərkərdə kimi yer aldı.
 
 
Zaman keçəcək, əsrlər ötəcək, nəsillər bir-birini əvəzləyəcək. Amma Onu- işğal olunan torpaqları azad edən Xalqının Xilaskarı, düşmən üzərində zəfər çalan Rəhbərlərdən biri kimi həmişə sevəcəklər.
 
 
Bu elə bir zəfərdir ki, Azərbaycan xalqı iki yüz ildən çox həsrətini çəkib. Döyüşüb, amma heç zaman nail ola bilməyib. Zəfərin, təntənən, bayramın mübarək, Azərbaycan!..
 
 
...Bəli, dekabrın 10-da ölkəmizdə QƏLƏBƏ PARADI keçiriləcək. Fürsətdən istifadə edib, həm Azərbaycan tarixinə qızıl hərflərlə yazılan bu əlamətdar gün və həm də dekabrın 24-ündə tamam olacaq 59 yaşı münasibəti ilə Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev cənablarını ölkəmizdə QƏLƏBƏ sevincini yaşayan və bu qələbənin mahiyyətini anlayan milyon-milyon vətəndaşdan biri kimi səmimi qəlbdən təbrik edir, möhkəm can sağlığı və uzun ömür arzulayıram.
 
 
Elman Eldaroğlu
Versus.Az

Xəbər lenti

InvestAZ

Ən çox oxunan xəbərlər

Şəhidlik zirvəsinə yüksələn daha bir QƏHRƏMANIMIZ

Xuraman Qasımova: “Prezidentin Şuşa səfərini izləyəndə ağladım”

20 YANVAR - Faciə və qəhrəmanlıq tariximiz

"Qarabağda ermənilərlə birgə yaşamaq üçün vaxt lazımdır"

Sülhməramlıların fəaliyyətini necə qiymətləndirirsiz?

“Pielonefrit insanların bütün yaş qruplarında tez-tez təsadüf edilən XƏSTƏLİKLƏRDƏNDİR

"Kəlbəcər uğrunda" və "Vətən müharibəsi iştirakçısı" medallı qəhrəmanımız

"Azərbaycan hər an rus-erməni təxribatına hazır olmalıdır"

"ABŞ-ın demokratiya illuziyaları puç oldu" - MÜSAHİBƏ

ALDP-dən 20 Yanvar faciəsinə VİDEO-ÇARX

"Bu vəsaiti şəhid ailələrinə, qazilərə vermək lazım idi"

"Vətən məni çağırsa, yenə getməyə hazıram"

Hafiz Hacıyevdən Ramiz Mehdiyevlə bağlı daha bir FAKT

AĞLAMA, QƏRƏNFİLİM…

"Bu, Türkiyə-Azərbaycan hərbi müttəfiqlik müqaviləsinin bağlanmasına gətirib çıxaracaq"