Bakının Nərimanov rayonunda 4 avtomobil toqquşub.
Versus.Az xəbər verir ki, hadisə Koroğlu Rəhimov küçəsində baş verib.
“Porsche” markalı avtomobil yüksək sürətlə əvvəlcə “Opel”ə, daha sonra hərəkətsiz dayanan “Hyundai” və “Toyota” markalı avtomobillərə çırpılıb. Qəza nəticəsində “Opel”də olan sürücü bədən xəsarətləri alıb.
“Hyundai” markalı nəqliyyat vasitəsinin sürücüsünün APA-ya verdiyi məlumata görə, “Porsche” markalı avtomobil yüksək sürətlə hərəkətdə olub.
“Porsche”nin sürücüsü və sərnişini isə suallara cavab verməkdən imtina edib. /APA/