“İşdən qovulmuş nazirlər Azərbaycanı qarışdırmaq istəyirlər”
Versus.Az Bakıda baş verən partlayışlarla bağlı Müasir Müsavat Partiyasının sədri Hafiz Hacıyevin açıqlamasını təqdim edir.
Son zamanlar Bakıda partlayışlar intensivləşib. Bu hansısa dövlətlərin və ya qüvvələrin məkirli planı ola bilərmi? Ola bilərsə, konkret olaraq bunlar kimlərdir?
MMP sədri Hafiz Hacıyev bu cür partlayışların keçmiş nazirlərin üryincə olduğunu və bu adamları nəzarətdə saxlamağın vacib olduğunu bildirib:
“İndi hər şey gözləmək olar. Azərbaycanda və dünyada gedən proseslərin hamısı onu göstərir ki, hal-hazırda təxribatların sayı çoxalıb və çoxalacaq da. Çünki bu il seçki ilidir və Azərbaycana müəyyən avropa dövlətlərinin, beyin mərkəzlərinin və bizi istəməyən dövlətlərin Azərbaycana təzyiqi güclənəcəkdir. Bunu bilmək lazımdır. Ona görə də həmin qüvvlər Azərbaycanda etimatsızlıq yaratmaqdan ötrü partlayışlar da, terror da törədə bilərlər. Bunun üçün bizim hüquq-mühafizə orqanları çox ciddi şəkildə ayıq hərəkət etməlidirlər. Burda vəzifədən uzaqlaşdırılmış keçmiş nazirlər Ziya Məmmədovun, Fazil Məmmədovun və Eldar Mahmudovun böyük maraqları var. Onlar istəyirlər ki, ölkədə vəziyyət qarışsın və onlar öz maraqlarına çatsınlar”.
505 |
Siyasət
