Millimiz bu gün Dünya Kubokunda neçə medal qazana bilər?
Serbiyanın paytaxtı Belqradda keçirilən Fərdi Dünya Kubokunda bu gün sərbəst güləş üzrə millimiz üç medal qazana bilər.
Versus.Az xəbər verir ki, dünən mübarizəyə qatılan dörd dağıstanlı legionerimizdən üçünün bürünc medal qazanmaq şansı var.
Bunlar Qitinoməhəmməd Hacıyev (-70 kq), Hacımurad Məhəmmədsəidov (-92 kq) və Camaləddin Məhəmmədovdur (-125 kq). Qitinoməhəmməd və Camaləddin bürünc medal uğrunda təsəlliverici yarışa qatılacaq. Onların rəqibi müvafiq olaraq Qeorqi Bukur (Rumıniya) və Katriel Muriel (Argentina) olacaq.
Hacımurad isə bürünc medal uğrunda görüşdə rəqibini gözləyəcək. O, Ərhan Yaylacı (Türkiyə) və Mihay Palacia (Rumıniya) cütünün qalibi ilə qarşılaşacaq.
Sərbəst güləşçilərimizdən yalnız İslam Bazarqanov (-57 kq) mübarizəni dayandırıb. O, Andrey Yatsenkoya (Ukrayna) 2:5 hesabı ilə yenilməklə yarışda medalsız qalıb.
Qeyd edək ki, bu gün daha beş sərbəst güləşçimiz mübarizəyə qatılacaq. Onların arasında üçqat dünya və üçqat Avropa çempionu, Olimpiya mükafatçısı Hacı Əliyev də var. /oxu.az/
Xəbər lenti
Bakıda yaşayış binalarında da parklanma yerləri BAHALAŞDI
Ayı 60 manata olan parklanma yeri hazırda 90 manatadır