"Bu, Azərbaycana qarşı qarayaxma kampaniyasının tərkib hissəsidir"

Azərbacan Milli Elmlər Akademiyasının (AMEA) Milli Azərbaycan Tarixi Muzeyinin direktoru akademik Nailə Vəlixanlı MDB ölkələri, Gürcüstan və Ukraynanın tarixçi-alimlərinə müraciət ünvanlayıb.

Versus.Az xəbər verir ki, müraciətdə erməni tarixçilərinin Azərbaycana qarşı ərazi iddialarının əsassız olduğu diqqətə çatdırılır, tarixin siyasiləşdirilməsinin, müxtəlif ambisiyalar naminə saxtalaşdırılmasının qəbulolunmazlığı vurğulanır.

Akademik N.Vəlixanlı Qarabağın xristian abidələrinin guya «təhlükə»yə məruz qaldığı haqqında iddiaların Azərbaycana qarşı qarayaxma kampaniyasının tərkib hissəsi olduğunu qeyd edərək, Ermənistanın hərbi təcavüzü nəticəsində dağıdılmış tarixi-mədəni abidələr haqqında ətraflı məlumat verib.

Qeyd edək ki, müraciət MDB ölkələri, Gürcüstan və Ukraynanın tarix institutlarına və tarix profilli muzeylərinə göndərilib.

Ayəndə Dadaşova
Versus.Az