Onlar bu gün xəstəxanadan evə buraxılır
320 |
Cəmiyyət
Dekabrın 14-də Ermənistanın əsir və girovluğundan azad edilmiş həmvətənlərimizin qalan hissəsi bu gün saat 14:00-da evə buraxılacaqlar.
Versus.Az xəbər verir ki, bu barədə keçmiş əsir Bayram Kərimovun ailə üzvləri məlumat veriblər.
Altı illik girovluqdan sonra azad edilən Şahbaz Quliyevin qardaşı İlham Quliyev də hazırda Bakıda olduğunu, qardaşını qarşılmağa gəldiyini deyib:
“Bizə də dedilər ki, bu gün buraxılırlar, gözləyirik. Şükür bu günlərə. Sağ olsun Ali Baş Komandan, yaşasın Azərbaycan ordusu”.
Qeyd edək ki, keçmiş əsir və girovlardan beş nəfər artıq ailələrinə qovuşub.
Xatırladaq ki, dekabrın 14-də Emin Baxşəliyev, Amin Musayev, Yəhya Abdinov, Şərif Əliyev, Ömər Ələkbərov, Nurəddin Yolçuyev, Bayram Kərimov, Şahbaz Quliyev, Dilqəm Əsgərov, Mobil Əhmədzadə, Nurlan Əlizadə, Anar Əliyev erməni əsir və girovluğundan azad edilərək, Azərbaycana gətirilib. Onlar iki həftəlik karantin rejimində saxlanılırdı. /modern.az/
Versus.Az
Xəbər lenti
"Sosial işçilər həmin şəxsi tapıb ona yardım göstərsin"
"Öz vəzifə borcunu layiqincə yerinə yetirən məmurlar da var"
