“Neftçi” ispaniyalı məşqçini həmyerlisi ilə əvəzlədi
“Neftçi”nin yeni fiziki hazırlıq üzrə məşqçisinin adı bilinib. Bu, ispaniyalı məşqçi Eduardo Karodur.
Versus.Az xəbər verir ki, bu barədə “Neftçi”dən məlumat verilib.
28 yaşlı ispaniyalı mütəxəssislə mövsümün sonunadək müqavilə bağlanıb. Dünən Bakıya gəlmiş məşqçi bugündən komanda ilə birgə məşqlərə qoşulacaq.
Qeyd edək ki, İspaniyanın “Terasa” (2015-2017), “Qava” (2017-2018), Səudiyyə Ərəbistanının “Əl-Hilal” U-23 (2018-2019) və Türkiyənin “Gənclərbirliyi” (2020) klublarında çalışmış Edu ötən mövsümdə “Sumqayıt”ın fiziki hazırlıq üzrə məşqçisi olub.
2019-cu ilin iyulunda “Sumqayıt”a keçmiş Eduardo Karo ötən ilin avqustunda klubdan ayrılaraq “Gənclərbirliyi”ndə Mərt Nobrenin köməkçisi təyin olunmuşdu.
Xatırladaq ki, “Neftçi”nin bundan öncəki fiziki hazırlıq üzrə məşqçisi də İspaniyadan idi. Mario Kastelyanonun müqaviləsinə dekabrın 19-da qarşılıqlı razılıq əsasında xitam verilib.
Xəbər lenti
Rusiya Moskva yaxınlığındakı terrorda "Ukrayna izi" TAPDI
İstintaq terror aktının icraçılarının Ukraynadan...