"Belə informasiyalar yanlış, ictimai rəyə yönəlmiş təbliğatdır"
Bəhruz Məhərrəmli: "Atılan addımlar birinci növbədə Azərbaycanın maraqlarına xidmət edəcək"
“Regnum” saytının rus, erməni mənbələrinə istinadən yaydığı məlumata görə, Rusiya sülhməramlıları Rusiya-Xocalı uçuşlarını həyata keçirmək üçün Xocalı aeroportunu yanvarın 10-da istifadəyə verməyə hazırlaşır.
Məsələyə münasibət bildirən millət vəkili Bəhruz Məhərrəmli bildirib ki, Azərbaycan məlum üçtərəfli müqavilədə qalib, diqtə edən tərəfdir.
Onun sözlərinə görə, Xocalı və sülhməramlıların olduğu digər bölgələr Azərbayacanın beynəlxalq hüquqla tanınmış ərazisidir:
“Harda hansı aeroportun açılması, yaxud bağlanması hansı istiqamətdə, hansı infrastrukturun qurulması, yaxud dayandırılması Azərbaycanın suveren hüququdur. Və əgər üçtərəfli bəyanatda, yaxud bəyanata uyğun gələcəkdə hansısa yeni regional platformadan, yeni əməkdaşlıq xəttlərindən danışılırsa, heç də söhbət Azərbaycanın öz ərazilərini kiminsə istifadəsinə verməsindən getmir. Azərbaycan beynəlxalq hüquqa, beynəlxalq əməkdaşlığa öz konstitusiya əsasları ilə sadiq qalan dövlətdir. Ermənistan yalnız öz ərazisindən keçən kommunikasiya xətləri ilə bağlı danşa bilər. Azərbaycanın ərazisindən keçən istənilən infrastrukturla bağlı qərarları Azərbaycan özü verir”.
Millət vəkili hesab edir ki, belə informasiyalar yanlış ictimai rəyə yönəlmiş təbliğatdır. Onun fikrincə, bu barədə müfafiq dövlət strurkturlarının açıqlamasını gözləmək lazımdır:
"Bizim üçün mənbə aidiyyatı dövlət strükturlarının açıqlaması olmalıdır. Prezident nəyi nə zaman edəcəyini bilir. Azərbaycanda zəfəri kölgələyəcək addımlar atılmayacaq. Azərbaycanda sosial, iqtisadi, siyasi istiqamətlərdə atılan addımlar birinci növbədə Azərbaycanın maraqlarına xidmət edəcək, ikincisi bölgənin. Bu mənada Xocalı Azərbaycanın ərazisinin ayrılmaz bir hissəsidir. Yaxın 5 il ərzində sülhməramlılar fəaliyyət göstərəcəksə, istənilən halda bu, Azərbaycanın ərazilərində suveren hüququnu məhdudlaşdırmır”. /hafta.az/
PƏRİ
Versus.Az
Xəbər lenti
Azad Xankəndinin ilk körpəsi ilə bağlı PAYLAŞIM
33 ildən sonra ilk azərbaycanlı körpənin dünyaya...