Türkiyə kosmosa peyk göndərir

"Türksat 5A" peyki bu gün yerli vaxtla saat 04:28-də orbitə buraxılacaq.

Versus.az xəbər verir ki, bunu Türkiyənin nəqliyyat və infrastruktur naziri Adil Karaismailoğlu bildirib.

"Türksat"ın fəaliyyətlərini fasiləsiz davam etdirdiyini vurğulayan A.Karaismailoğlu "Türksat 5A"-nın bu gün, 2021-ci ilin ikinci rübündə isə "Türksat 5B" və 2022-ci ildə "Türksat 6A"-nın istifadəyə veriləcəyini qeyd edib.

Nazir onu da əlavə edib ki, 2023-cü ildə Türkiyə Cümhuriyyətinin yaranmasının 100-cü ilində Türkiyə dünyada süni peyk istehsal edən 10 ölkə arasında yer alacaq.

Qeyd edək ki, Türkiyə Prezidenti Rəcəb Tayyib Ərdoğan peykin orbitə buraxılması ilə bağlı rəsmi feysbuk səhifəsində paylaşım edib.

“Türksat 5A kosmosdan bizə ilk salamını inşallah sabah verəcək. Xeyirli-uğurlu olsun”, - deyə Ərdoğan yazıb.