“AZADLIQ” Siyasi Partiyaların Əməkdaşlıq Mərkəzinin (SƏM) növbəti yığıncağı keçirilib.
Versus.Az-ın məlumatına görə, yığıncaqda KXCP sədri Mirmahmud Mirəlioğlu, Azadlıq Partiyasının sədri Əhməd Oruc, Aydınlar Partiyasının sədri Qulamhüseyn Əlibəyli, BAP sədri Elşad Musayev, Azərbaycan Liberal Demokrat Partiyasının (ALDP) sədri Fuad Əliyev iştirak edib.
İclasa sədrlik edən Ə.Orucun verdiyi məlumata görə, Əməkdaşlıq Mərkəzi Bakı şəhərində Qarabağ problemi ilə bağlı keçirilən mitinqin tələblərini dəstəkləyib.
Əməkdaşlıq Mərkəzi milli-demokratik platformada olan şəxslər arasında regional əsasda dünənki müttəfiqlərin bir-birini ittiham etməsi ilə müşayət olunan qarşıdurmaların milli marağa zidd olduğunu, milli platformada olan siyasi qüvvələr arasında nifaq salmağa, diqqəti hakimiyyətin korrupsioner, rüşvətxor, antimilli talama siyasətindən yayındırmağa hesablandığını bildirib, bütün milli dövlətçilik tərəfdarlarını təmkinli davranmağa çağırıb.
Əməkdaşlıq Mərkəzində qurumun fəaliyyəti ilə bağlı müzakirələr aparılıb.
LƏMAN
Versus.Az