Millət vəkili AŞPA-da mədəniyyətlərarası dialoqla bağlı suallar səsləndirib
Qənirə Paşayeva: “Suallarım çox mühüm məsələlərdən biri olan mədəniyyətlərarası dialoqla bağlıdır”
AŞPA Nazirlər Komitəsinin sədri, Xorvatiyanın baş nazir müavini, Xarici və Avropa İşləri Naziri Marija Prjcinovic Buric AŞPA-da geniş çıxış edib və millət vəkillərinin suallarını cavablandırıb.
Versus.Az-ın məlumatına görə, AŞPA-nın 6 siyasi qrupundan biri olan Azad Demokratlar Qrupu adına sualı millət vəkili, Azad Demokratlar Qrupunun vitse-prezidenti, Azərbaycanın AŞPA-dakı nnümayəndə heyətinin üzvü Qənirə Paşayeva verib. O, bu gün Avropada artan İslaamafobiya, ksenofobiya fonunda vacib məsələ olan mədəniyyətlərarası, dinlərarası diqloqla bağlı sualını ünvanlayıb və Nazirlər Komitəsinin bu məsələlərlə bağlı gördüyü və atacağı addımlarla bağlı fikirlər bilrdirməsini istəyib:
“Suallarım çox mühüm məsələlərdən biri olan mədəniyyətlərarası dialoqla bağlıdır. Avropa Şurası ərazisində mədəniyyətlərarası dialoqun aparılması üçün siyasətin əsasını hansı dəyərlərin təşkil etməsi vacibdir? "Yeni dəyərlər"ə ehtiyac varmı? Mədəniyyətlərarası dialoqu təşviq edən fəaliyyətlərə maksimum təsiri əldə etmək məqsədilə Avropa Şurası başqa beynəlxalq təşkilatlar ilə necə əməkdaşlıq etməlidir?”
Sualın cavabında Xorvatiyanın baş nazir müavini, Xarici və Avropa İşləri Naziri Marija Prjcinovic Buric bildirib ki, o çıxışında da bu məsələyə geniş yer ayırdı çünki bu bütün Avropa üçün çox önəmli bir mövzudur:
“Ona görə bir daha vurğulamaq istəyirəm ki, özəlliklə üzv ölkələrdə bu mövzuya geniş yer verilməlidir. Təhsil vasitəsi ilə, gənclərlə bu mövzuda daha geniş iş aparmaqla, mədəniyyət vasitəsi ilə. Mədəniyyətlərarası dialoq ən vacib məsələlərdən biridir və həm Avropa Şurası təşkilatları, həm də üzv ölkələrdə bu mövzu daim diqqətdə olmalıdır”.
Çıxışdan sonra millət vəkili Q.Paşayevanın Xorvatiyanın baş nazir müavini, Xarici və Avropa İşləri Naziri Marija Prjcinovic Buriclə qısa görüşü də olub. Xanım Buriç ölkəsi ilə Azərbaycan arasında əməkdaşlığın genişlənməsinin məminiyyətverici olduğunu və buna önəm verdiklərini deyib. Q.Paşayeva da bildirib ki Azərbaycan bütün istiqamətlərdə Xorvatiya ilə əməkdaşlığın inkişafında maraqlıdır və Azərbaycan prezidentinin rəhbərliyi ilə bu istiqamətdə bir çox addımlar atılır. Parlamentləarası Əməkdaşlığın da genişləndiyini vurğulayan millət vəkili Azərbaycanın mədəniyyətlərarası dialoqa verdiyi böyük önəmi xüsusi vurğulayıb.
Xəbər lenti
Planetin ən yaşlı ağaclarını çəkmək üçün 14 ilini sərf etdi
Fotoqraf zəhmətinin bəhrəsi ilə bağlı albom da buraxıb