Hacı Zeynalabdin Tağıyevin heykəli hazırdır
350 |
Mədəniyyət
Xalq rəssamı Xanlar Əhmədov Azərbaycanın görkəmli ictimai xadimi, müsəlman Şərqində ilk qızlar məktəbinin yaradıcısı Hacı Zeynalabdin Tağıyevin heykəlini hazırlayıb.
Versus.Az xəbər verir ki, X.Əhmədov açıqlamasında bu işə böyük həvəslə başladığını və yaratdığı obraz haqda çox araşdırma apardığını bildirib.
Xalq rəssamı heykəlin qoyulacağı ünvanın H.Z.Tağıyev obrazı ilə uzlaşdığını bildirib.
Qeyd edək ki, H.Z.Tağıyevin heykəlinin hazırlanması ilə bağlı keçirilən açıq heykəltəraşlıq müsabiqəsinə təqdim olunan 26 layihə arasından X.Əhmədovun layihəsi qalib seçilib.
Xatırladaq ki, ötən il Prezident İlham Əliyev və Birinci vitse-prezident Mehriban Əliyevanın incəsənət xadimlərinin bir qrupu ilə görüşündə H.Z.Tağıyevin Bakıda heykəlinin ucaldılması barədə təklif səsləndirilib.
Dövlət başçısının imzaladığı sərəncamla görkəmli xadimin abidəsinin ucaldılmasına qərar verilib.
Xəbər lenti
"Sosial işçilər həmin şəxsi tapıb ona yardım göstərsin"
"Öz vəzifə borcunu layiqincə yerinə yetirən məmurlar da var"
