Mourinyo Beylin oyuna necə qayıdacaq?

“Tottenhem”in baş məşqçisi Joze Mourinyo komandanın futbolçusu Qaret Beylin nəyə görə kifayət qədər oyun təcrübəsi əldə etmədiyinə aydınlıq gətirib.

Bu barədə “Sky Sports” məlumat yayıb.

“Mən ona oyun vaxtı verməyə hazır deyiləm. Onun bir neçə il ərzində hansı çətinliklərlə qarşılaşdığını hamımız bilirik. Biz hamımız bilirik ki, o, zədəli şəkildə gəlib. Hətta bu mövsüm də kiçik zədələrinin olduğunu hamımız bilirik. Onun üçün ən əsası əzmkar olmaq və problemsiz məşq etməkdir. Oyunçu stabil məşq etdikdə heç bir nüans olmadan yüksək intensivliyə tab gətirir. O zaman hazır olur. Ona oyun vaxtı vermək lazım deyil, dəqiqələr qazanılmalıdır. Fərq bundadır”, - deyə J.Mourinyo bildirib.

Xatırladaq ki, 31 yaşlı Beyl “Tottenhem”ə Madrid “Real”ından 2020-ci ilin 19 sentyabrında qayıdıb. Cari mövsümdə dörd qarşılaşmaya çıxıb və bir qol vurub.