“Gələcək uğursuzluqlarını seçkinin vaxtının dəyişdirilməsi ilə sığortalamasınlar”

“DADP olaraq seçkilərə tam hazırıq”

“Azərbaycan prezidenti İlham Əliyevin növbədənkənar prezident seçkilərinin keçirilməsi ilə bağlı sərəncam imzalaması bəzilərini niyə narahat edir ki? Heç kəs düşünməsin ki, bu addım Konstitutsiyaya ziddir. Əksinə, tamamilə konstitusiyaya uyğun olan qərardır”.

Bunu Versus.Az-a növbədənkənar prezident seçkilərinin keçirilməsinə açıqlamasında Demokratik Azərbaycan Dünyası Partiyasının (DADP) sədri Əlisahib Hüseynov bildirib. Partiya sədri qeyd edib ki, ölkədə referendum keçiriləndən sonra yeni prezident seçkilərinin keçirilməsi gözlənilən idi:

“Əksər siyasi qüvvələr növbədənkənar prezident seçkilərinin keçirilməsini proqnozlaşdırırdılar. Burda bəzi müxaliflərin düşündükləri kimi heç də hazırlıqsız “yaxalanmaq”dan söhbət gedə bilməz. Odur ki, yaxşı olar ki, bu məsələni spekulyasiya predmetinə çevirməsinlər və gələcək uğursuzluqlarını seçkilərin vaxtının dəyişdirilməsi ilə pərdələyib, özlərini sığortalamağa çalışmasınlar”.