Marsda bunlar tapılıb

Marsda bakteriyaların köməyi ilə oksigen, qida və dərman yaratmaq üçün hər şərait var.

 

“Daily Star”ın məlumatına görə, alman alimlər bu barədə uzunmüddətli tədqiqatlardan sonra xəbər veriblər.

 

Bildirilir ki, oksigen sərbəst buraxan bakteriyalar Mars şəraitində torpaq və atmosferdə sərbəst şəkildə böyüyə bilər, həmçinin digər həyat formaları üçün istifadə edilə bilər.

 

“Siyanobakteriyalar, aşağı ümumi təzyiqdə Mars atmosferindəki qazları karbon və azot mənbəyi olaraq istifadə edə bilər”, - deyə araşdırmanın aparıcı müəllif dr. Sipriena Verse bildirib.

 

Alimlər müəyyən ediblər ki, siyanobakteriyalar nəinki Mars tozunu ehtiva edən suda böyümək qabiliyyətini qoruyurlar, həmçinin hələ də digər mikrobları qidalandırmaq üçün istifadə edilə bilirlər.

 

Eyni zamanda, Dr. Verse qeyd etdi ki, tədqiqat üçün istifadə olunan “Atmosfer” bioreaktoru alimlərin Marsda istifadə edəcəyi becərmə sistemi deyil, daha sonra Marsda təmin olunacaq şəraitin Yerdə yoxlanılmasıdır.