Millimizin futbolçusu Türkiyədə klubunu dəyişdi
17 yaşadək millimizin (U-17) türkiyəli futbolçusu Sərkan Aydın Türkiyədə klubunu dəyişib.
Versus.Az Türkiyənin “Özgür Kocaeli” qəzetinə istinadən xəbər verir ki, 2004-cü il təvəllüdlü sol cinah müdafiəçisi çıxış etdiyi “Kocaelispor”un aşağı yaş qrupu üzrə komandasından ayrılmaq istəyib.
O, İzmirə gedib və bu şəhərin “Altınordu” klubu ilə anlaşıb.
Onu da bildirək ki, “Kocaelispor”un U-19-da çıxış edən Sərkan Aydın əsas komanda ilə yoxlama oyununda meydanda olmuşdu.
Qeyd edək ki, hazırda Türkiyə II divizionunda çıxış edən “Kocaelispor”da 2015-ci ildə U-17 millimizdə çıxış etmiş Murat Akpınar da forma geyinir. 22 yaşlı yarımmüdafiəçi Super Liqa klubu “Trabzonspor”a məxsusdur və İzmit komandasında icarə əsasında çıxış edir.
Xəbər lenti
Klipi üçün 10 kilo çəki atdı
Pərviz Mahmudov "Vurulmuşam" dedi