Ərdoğan İƏT-in iclasında QARABAĞDAN DANIŞDI

16:29 04-03-2021 | icon 183 | Siyasət
Ərdoğan İƏT-in iclasında QARABAĞDAN DANIŞDI

Türkiyə Prezidenti Rəcəb Tayyib Ərdoğan İqtisadi Əməkdaşlıq Təşkilatının (İƏT) videokonfrans formatında 14-cü Zirvə toplantısında çıxış edib.

 

Bu barədə “Haber Global” məlumat yayıb.

 

Türkiyə lideri çıxışında Azərbaycanın Vətən müharibəsi ilə əzəli torpaqlarının işğaldan azad etməsindən də danışıb:

 

“Qardaşımız Azərbaycan erməni işğalındakı torpaqlarını qəhrəmanlıqla xilas etdi, bölgədə yeni bir dövrün qapılarını açdı. Qarabağda prioritetimiz 30 illik işğalın yaratdığı dağıntıları birlikdə aradan qaldırmaqdır. Bu müddətdə təşkilat olaraq Azərbaycanla tam həmrəy olacağımıza inanıram”.

 

R.T.Ərdoğan həmçinin təşkilatın pandemiyaya baxmayaraq fəaliyyətini qərarlı şəkildə davam etdirdiyini bildirib:

 

“Sədrliyimiz dövründə açıqladığımız nümunələr istiqamətində təşkilatı gücləndirməyə kökləndik. Fəaliyyətlərimizi qlobal pandemiyanın meydan oxumasına baxmayaraq qərarlılıqla davam etdirdik. Bu qlobal fəlakətə qarşı mübarizəni ancaq güclü həmrəylik, regional və beynəlxalq əməkdaşlıqla qazana bilərik.

 

Təşkilatın yaradılmasından bu yana arzu olunan əməkdaşlıq səviyyəsinə çatmadığı da həqiqətdir. 100 milyard dollar hədəf üçün hamımız birlikdə gərgin əmək sərf etməliyik. Bütün dünyada epidemiyanın təsirlərinin ən çox hiss olunduğu sahələrdən biri turizm və səyahət sektorudur. Təsirləri minimuma endirmək üçün Dünya Turizm Təşkilatı prinsiplərinə uyğun bir sıra tədbirləri gördük. 2021-ci ilin itkilərin bərpa edildiyi il olması üçün hazırlıqlara indidən başladıq. Sizlərlə qarşılıqlı əməkdaşlığı inkişaf etdirməyə hazırıq”.

Xəbər lenti

InvestAZ

Ən çox oxunan xəbərlər

Əfəndilər, Yardımlı da Azərbaycandır

Röyanın Moskva konserti təxirə salındı - SƏBƏB?

Moskvadakı dəhşətli terrorda ölənlərin sayı 150-yə çatıb

Rusiyada teraktda yaralananların durumu açıqlanıb

Ayılar üçün maraqlı əyləncə

Artritə səbəb olan 5 mühüm SƏHV

İdmançımız Almaniyada keçirilən turnirdə ikinci qızıl medalını qazanıb

Tarixçidən maraqlı faktlar

Gündə 1 dəqiqə cəfəri çeynəyin

Şəfalı olduğu düşünülən bu bitkilər böyrəkləri çürüdür

İtlər hətta simvolları da anlayırlar

Ən sürətli qol

Gimnastlarımız Dünya Kubokunda finala yüksəliblər

Dəri problemlərindən mərciməklə xilas olun

Bu iki ədviyyatı birgə istifadə edin