Mübariz Mənsimov bu gün məhkəməyə çıxarılır
246 |
Cəmiyyət
Türkiyədə həbs olunan azərbaycanlı iş adamı - “Palmali” şirkətinin prezidenti Mübariz Mənsimov bu gün məhkəmə qarşısına çıxarılacaq.
Versus.Az xəbər verir ki, azərbaycanlı iş adamının bu gün azadlığa buraxılacağı gözlənilir.
Belə ki, İstanbul Baş Prokurorluğu bir neçə gün öncə Mübariz Mənsimovun sərbəst buraxılmasını istəyib.
Xatırladaq ki, Mübariz Mənsimov Türkiyənin hüquq-mühafizə orqanları tərəfindən 2020-ci ilin mart ayının 15-də saxlanılıb, martın 17-də isə onun barəsində həbs qətimkan tədbiri seçilib. Azərbaycanlı iş adamı FETÖ terror təşkilatı ilə əməkdaşlıqda ittiham olunur.
Mübariz Mənsimov ilk gündən ittihamları rədd edir və bu işin ona qarşı əvvəlcədən planlaşdırılmış qurğu olduğunu bildirir. İş adamı həbsdə olduğu müddətdə də dəfələrlə bildirib ki, onun FETÖ terror təşkilatı ilə heç vaxt əlaqəsi olmayıb.
Xəbər lenti
"Sosial işçilər həmin şəxsi tapıb ona yardım göstərsin"
"Öz vəzifə borcunu layiqincə yerinə yetirən məmurlar da var"
