MMP namizədini fevralın 9-da elan edəcək

“Fevralın 9-da Müasir Müsavat Partiyası (MMP) siyasi şurasının növbədənkənar iclası keçiriləcək. İclasda partiyanın prezidentliyə namizədinin adı açıqlanacaq”.

Seçkilərin önə çəkilməsi ilə əlaqədar MMP-nin Mətbuat Xidmətindən Versus.Az-a verilən məlumatda bildirilir ki, dövlət başçısının sərəncamından irəli gələrək partiyanın idarə heyətinin növbədən kənar iclası çağrılıb. İclasda seçkilərin tarixinin önə çəkilməsi müzakirə olunub və qərara alınıb ki,  9 fevral 2018-ci il tarixində MMP siyasi şurasının növbədən kənar iclası keçirilsin. İclasda partiyanın prezidentliyə namizədinin adı açıqlanacaq.

Qeyd edək ki, Prezident İlham Əliyev fevralın 5-də “Növbədənkənar Azərbaycan Respublikası Prezidenti seçkilərinin elan edilməsi haqqında” Sərəncam imzalayıb. Sərəncamda Mərkəzi Seçki Komissiyasına növbədənkənar Azərbaycan Respublikası Prezidenti seçkilərinin 2018-ci il aprelin 11-nə təyin olunmasını və Azərbaycan Respublikasının Seçki Məcəlləsində müəyyən edilmiş qaydada keçirilməsini təmin etmək tapşırılıb.

Ləman
Versus.Az