“JARA” Moskvaya gedir

İlk dəfə olaraq "JARA" V Beynəlxalq Musiqi Festivalı Moskvada "Lujniki" kompleksinin ərazisində keçiriləcək.

Versus.Az xəbər verir ki, son illərdə Bakıda keçirilən"JARA" musiqi festivalı ilk yubileyini 23-27 iyun tarixlərində Moskvada "Lujniki" kompleksi ərazisində qeyd edəcək.

Xəzər sahilində keçirilən festivalın konsepsiyası əvvəlki kimi qalacaq və tamaşaçılar beş gün ərzində Rusiya və MDB ölkələrindən 200-dən çox sənətçinin iştirak edəcəyi müxtəlif konsert proqramını izləyəcəklər.

Festivalın təşkilatçısı müğənni və iş adamı Emin Ağalarov bunu belə izah etdi:

“Bir sıra məsələlərə görə festivalın keçən il və bu il Bakıda keçirilməsi təəssüf ki, mümkünsüz oldu. Yenə də bir ili itirməmək nöqteyi-nəzərindən “JARA”nı Moskvada keçirtməyə qərar verdim. Xəzər sahillərində keçirilən inişilki festvala nisbətən bu ilki festival daha geniş miqyasda gözlənilir. Bu dəfə üç açıq səhnəmiz, ziyarətçilər üçün fərqli sahələr, 200-dən çox sənətçi, parlaq tamaşalarımız olacaq. Əminəm ki, “Lujniki”dəki festivalımız son bir neçə ildə ən parlaq musiqi hadisəsinə çevriləcək!"

Festivalın dünyanın dörd bir yanında olan pərəstişkarları da şounun miqyasını qiymətləndirə biləcəklər - bütün günlərin yayımı ənənəvi olaraq “Birinci Kanal” tərəfindən göstəriləcək. Hər il keçirilən “JARA” musiqi festivalı ilk dəfə 2016-cı ildə Bakıda keçirildi və dərhal ən çox gözlənilən və müzakirə olunan yay tədbiri statusunu aldı. Festivalın konsert günləri 200-dən çox sənətçi, gündə 10.000 tamaşaçı və Rusiya və MDB-də 150.000.000-dən çox televiziya tamaşaçısı toplayır. Festival parlaq nömrələrlə, ulduzların gözlənilməz əməkdaşlıqları, mahnıların premyeraları və misilsiz atmosferi ilə yadda qalır!

Daha əvvəl alınmış biletlər Moskvadakı yeni tarixlərə dəyişdirilə bilər, növbəti Bakıdakı festival üçün saxlanılır və ya telefonla geri qaytarılır: +994776000060 və ya +994503002862

Ayəndə Dadaşova
Versus.Az