ABŞ sərhədlərinə doğru qaçqın karvanı irəliləyir
Amerikalı hərbçilər artıq ölkənin cənub sərhədlərinə beton maneələr daşımağa başlayıblar. Yaxın günlərdə bu istiqamətə çoxsaylı hərbi kontingent də göndəriləcək.
Versus.Az xəbər verir ki, bu barədə ABŞ müdafiə naziri Ceyms Mettis məlumat verib.
Onun sözlərinə əsasən, əməliyyatın detalları və hərbçilərin sayı dəqiqləşdirilir. Söhbət qaçqınlara qarşı əməliyyatdan gedir.
ABŞ sərhədlərinə doğru Meksika ərazisi ilə Mərkəzi Amerikadan gələn qaçqın karvanı irəliləyir. Qaçqınların sayı bəzi məlumatlara görə on minə yaxınlaşır. ABŞ prezidenti Donald Tramp qaçqınların arasında cinayətkarların və terrorçuların olduğunu bəyan edərək sərhədçiləri sərt olmağa çağırıb. Meksika rəsmiləri Trampın iddialarını təkzib ediblər.
"Sizi buraxmayacaqlar. Ölkəmizə girişin qaydaları mövcuddur", - ABŞ daxili təhlükəsizlik naziri Kirsten Nilsen efirdən qaçqınlara müraciət edərək deyib.
Xəbər lenti
Şərti sərhədin Qazax istiqamətində SON DURUM
Bağanis Ayrımda viran qalan evlərimiz