Kurort bölgəsi kimi tanınan Antalyaya dolu düşüb.
“Haber Global”ın məlumatına əsasən, 20 dəqiqəyə yaxın yağan dolu ətrafı bəyaz örpəyə bürüyüb.
Hadisə Serik ilçəsinin Belek, Kadriye, Karıncalı, Çandır və Çanakçı məhəllələrində qeydə alınıb.
Gözlənilmədən yağan dolu yerli sakinlərə və turistlərə çətin anlar yaşadıb. Əcnəbilər qolf oyunlarını yarımçıq kəsərək, səmadan düşən buz topalarından gizlənməli olublar.
Təbiət hadisəsinin ərazidə hər hansı bir fəsada yol açmadığı bildirilib.