Çempionlar Liqasında qonaqların gecəsi

Futbol üzrə UEFA Çempionlar Liqasında 1/4 final mərhələsinin ilk oyunları başa çatıb.

 

Versus.Az xəbər verir ki, bu gün daha iki qarşılaşma baş tutub.

 

ÇL-in son qalibi “Bavariya” doğma meydanda PSJ-ni qəbul edib. Beş qolun vurulduğu oyunda qonaqlar qələbəyə seviniblər – 3:2.

 

1/8 final mərhələsində “Yuventus”u mübarizədən kənarlaşdıran Portuqaliyanın “Portu” klubu isə “Çelsi” ilə qarşılaşıb.

 

İngilislər səfərdə iki cavabsız qola seviniblər.

 

Xatırladaq ki, ilk oyun günündə “Mançester Siti” (İngiltərə) “Borussiya”ya (Dortmund, Almaniya) (2:1), “Real” (İspaniya) isə “Liverpul”a (İngiltərə) (3:1) qalib gəlib. 

 

UEFA Çempionlar Liqası
1/4 finalın ilk oyunları
7 aprel

“Bavariya” (Almaniya) – PSJ (Fransa) - 2:3
Qollar: Şupo-Motinq, 37. Müller, 60 – Mbappe, 3; 68. Markinyos, 28. 

 

“Portu” (Portuqaliya) – “Çelsi” (İngiltərə) - 0:2
Qollar: Maunt, 32. Çiluell, 85.