Koronavirusun Britaniya ştammı dünyanın 132 ölkəsinə yayılıb
500 |
Dünya
İlkin olaraq Böyük Britaniyada aşkar edilən və daha yüksək yoluxdurma imkanına malik koronavirusun VOC 202012/01 ştammı, son iki həftə ərzində daha iki ölkədə aşkar edilib və belə ölkələrin ümumi sayı 132-yə çatıb.
Versus.az xəbər verir ki, bu barədə Ümumdünya Səhiyyə Təşkilatının (ÜST) həftəlik epidemioloji bülletenində deyilir.
Qeyd olunub ki, Cənubi Afrika Respublikasında aşkar edilmiş 501y.V2 ştammının yayılma coğrafiyası 82 dövlətə qədər genişlənib, ilk olaraq Braziliya və Yaponiyada aşkarlanmış P. 1 ştammı isə hazırda 52 ölkədə dövr edir.
ÜST-nin məlumatına görə, koronavirusun VOC-202012/01 növü ötən ilin sentyabr ayında Böyük Britaniyada ortaya çıxıb. Cənubi Afrika Respublikasında 501y. V2 ştammı avqust ayının əvvəlindən mövcuddur, Braziliya və Yaponiyada isə P. 1 ştammı dekabr ayından dövr edir.
Xəbər lenti
"Sosial işçilər həmin şəxsi tapıb ona yardım göstərsin"
"Öz vəzifə borcunu layiqincə yerinə yetirən məmurlar da var"
