“Nizami Gəncəvi yaradıcılığına ümumi baxiş” mövzusunda tədbir keçirilib

08:13 16-04-2021 | icon 280 | Cəmiyyət
“Nizami Gəncəvi yaradıcılığına ümumi baxiş” mövzusunda tədbir keçirilib

Aprelin 15-də AMEA Milli Azərbaycan Tarixi Muzeyinin “Elmi-kütləvi iş və təhsil” şöbəsi və muzeyin YAP “Azərbaycan tarixçiləri” ilk ərazi təşkilatının təşəbbüsü ilə AMEA Milli Azərbaycan Tarixi Muzeyində “Nizami Gəncəvi yaradıcılığına ümumi baxış” adlı tədbir keçirilib.

 

Versus.Az xəbər verir ki, “Azərbaycan” himni səsləndirildikdən sonra muzeyin “Elmi-kütləvi iş və təhsil” şöbəsinin baş mütəxəssisi, YAP “Azərbaycan tarixçiləri” ilk ərazi təşkilatının sədri Pərvanə Əzimova iştirakçıları salamlayaraq tədbirin mövzusu barədə bəhs edib.

 

Ötən il qazanılan qələbə zəfərində Azərbaycan Respublikası Prezidenti, fədakar ordumuzun xidməti və xalqın dəstəyindən bəhs edən məruzəçi fədakar şəhidlərin xatirəsinin yaddaşımızda əbədi qalacağını bildirmişdir.  

 

Şəhidlərin xatirəsi bir dəqiqəlik sükutla yad edildikdən sonra məruzəsinə davam edən Pərvanə Əzimova Prezident İlham Əliyevin 2021-ci ilin Nizami Gəncəvi ili elan edilməsi barədə Sərəncamını izləyicilərin diqqətinə çatdırıb.

 

Daha sonra tanınmış şairin 880 illiyinə ilə əlaqədar videoçarx nümayiş olunub və tədbir iştirakçıları müxtəlif məzmunlu mövzular təqdim ediblər.

 

“Elmi-kütləvi iş və təhsil” şöbəsinin böyük elmi işçisi, t.ü.f.d. Əli Fərhadov “Nizami yaradıcılığında maarifçilik” adlı məruzədə Milli Azərbaycan Tarixi Muzeyində qorunan ədəbiyyatlara istinadən Nizami Gəncəvinin həyat və yaradıcılığı, əsərlərində diqqət etdiyi başlıca məqamları qeyd edib. 

 

Vətən Müharibəsi Fondunun müdiri Şəfa Mövsümov “Nizami Gəncəvi yaradıcılığında müharibə və sülh məsələləri” adlı məruzədə şairin “Xəmsə”sinə daxil olan əsərlərə istinadən ibrətamiz kəlamlarında yüksək insani dəyərlərə qiymət verdiyini və dünya irsinə layiqli töhfələr bəxş etdiyini bildirib.

 

“Numizmatika və epiqrafika” elmi-fond şöbəsinin böyük elmi işçisi, t.ü.f.d. Aygün Məmmədova “Nizami dövrü numizmatikası” adlı məruzədə şairin müasiri olan Azərbaycan atabəyləri dövründə Azərbaycanın pul təsərrüfatı və ticarət əlaqələrində istifadə edilən, hazırda muzeydə qorunan sikkələr haqqında bəhs etmiş, yaxın müddətdə muzeydə keçiriləcək Azərbaycan Atabəyləri sərgisində belə numizmatik faktların nümayiş ediləcəyini bildirib.

 

Tədbirin yekununda məruzə edən Nizami Gəncəvi adına Milli Azərbaycan Ədəbiyyatı Muzeyinin “Bədii əlaqələr və komparativistika” şöbəsinin elmi işçisi Solmaz Azadova xalqımızın tarixi yaddaşında silinməz iz qoyan, tükənməz araşdırma mənbəyi olan Nizami yaradıcılığının gələcək nəsillərə örnək olduğunu qeyd edib.    

 

 

Ayəndə Dadaşova
Versus.Az

Xəbər lenti

InvestAZ

Ən çox oxunan xəbərlər

Razi Nurullayev hiddətləndi: Əgər vaxtında dayandırmasaq...

Avropa İttifaqı operativ silahlı qüvvələr yaradır

Ukrayna üçün NATO-nun qapıları açılır

5 avtomobil körpünün üstündə toqquşub

Qadın sahibkarlar üçün BİZNES TƏLİMLƏRİ

Koronavirusla bağlı son STATİSTİKA

Sabiq nazir müavininin məhkəməsi başlayır

“Dərs vaxtı”nın bu günə olan CƏDVƏLİ

AVRO-2020 kuboku Bakıda

HEYDƏR ƏLİYEV - MÜASİR AZƏRBAYCAN TARİXİNİ YARADAN LİDER

Qəhrəman oğlunun vəfatına ağlamayan qəhrəman ata

Kosmosda suborbital ekskursiya üçün bilet HƏRRACDA

Uşağın səsi görənləri heyrətləndirdi

Kütləvi etiraz və tətillər başladı

Qlobal fəlakət barədə XƏBƏRDARLIQ