"Seçkilərə hazırlıq başlamalıdır"

"Deputat səlahiyyətlərinin məhdudlaşdırılması, daha doğrusu sözə baxmayanların cəzalandırılması prosedurlarının daxili nizamnaməyə salınması növbədənkənar Parlament seçkilərinin keçiriləcəyinin əsas əlamətidir".

Versus.Az xəbər verir ki, bunu açıqlamasında Vətəndaş və İnkişaf Partiyasının sədri Əli Əliyev bildirib. Partiya sədrinin fikrincə bu həm də onun göstəricisidir ki, iqtidar məcburiyyətdən nəzarət edə bilmədiklərini Parlamentə buraxmaq zorundadır:

"Yəni beynəlxalq təzyiq dözülməzdir. Deməli, yeni siyasi eranın başlanması haqda dediklərim təsdiqini tapır. Müxalifət bu siqnalı düzgün qavramalı, təşkilatlanmalıdır. Seçkilərə hazırlıq başlamalıdır. Ən geci gələn ilin payızına seçkilər olacaq".

Ə.Əliyev vurğulayıb ki, büdcəyə transferlərin artırılması da seçkilərin olacağının indikatorudur:

"Hakimiyyət Qərbin təzyiqinə tab gətirə bilmirsə, müxalifət üçün bundan yaxşı fürsət ola bilməz".

GÖZƏL
Versus.Az