Deputat köməkçisi qazimizi fizioterapiya müayinəsindən keçirib

21:17 28-04-2021 | 492 | Cəmiyyət

Ehtiram Mehdiyev: "İnşallah qazimiz yeni əməliyyatla sağlamlığına qovuşar"

Milli Cəbhə Partiyasının (MCP) sədr müavini, deputat Razi Nurullayevin köməkçisi Ehtiram Mehdiyev İmişli rayonu, Xəlfəli kənd sakini İkinci Qarabağ müharibəsinin könüllü iştirakçısı Qüdrət Əliyevi ziyarət edib.

Versus.Az xəbər verir ki, Ehtiram Mehdiyev qazimizi Mərdəkan Tibbi Reabilitasiya mərkəzində fizioterapiya müayinəsindən keçirib.

Qeydedək ki, Qüdrət Əliyev Cəbrayıl, Füzuli, Qubadlı rayonu uğrunda gedən döyüşlərdə iştirak edib. O, Qubadlıda erməni snayperçi tərəfindən qolundan yaralanıb. Qol sümüyündə birləşmə olmadığı üçün əllərini tərpədə bilmir.

Deputat köməkçisi bildirib ki, Mərkəzi Hərbi Qospitalda xəstəxananın rəhbərliyindən Q.Əliyevin təkrar müayinədən keçirilməsini xahiş edib:

"Sağ olsunlar, qısa zamanda göndərişsiz məsələni həll etdilər. Yeni cərrahi əməliyyat tələb olunur və yaxın zamanlarda, İnşallah qazimiz yeni əməliyyatla sağlamlığına qovuşar".