Azərbaycan bayrağı ABŞ-da UCALDILACAQ
“ABŞ-ın Nyu-York şəhərində Azərbaycanın dövlət bayrağı ucaldılacaq”.
Versus.Az xəbər verir ki, bunu açıqlamasında ABŞ-da fəaliyyət göstərən Azərbaycan-Nyu York Assosiasiyasının rəhbəri Ercan Yerdələnli bildirib.
O qeyd edib ki, ABŞ-da Azərbaycanın dövlət bayrağının ucaldılması 28 May - Respublika Günü münasibətilədir:
“Mayın 28-də Nyu York saatı ilə saat 15:00-da Azərbaycan bayrağı şəhərin “Wall Street”də yerləşən “Bowling Green” parkında nəhəng bayraq dirəyindən asılacaq. Həmin küçə turistlərin ən çox ziyarət etdiyi yerlərdən biridir”.
O qeyd edib ki, Azərbaycan bayrağı 10 gün müddətində həmin yerdə ABŞ-ın dövlət bayrağı ilə bərabər dalğalanacaq.
Assosiasiyanın rəhbəri əlavə edib ki, Azərbaycan bayrağı asıldıqdan sonra tədbir təşkil olunacaq:
“Həmin gün milli geyimlər geyiniləcək və tədbirimiz Nyu York saatı ilə saat 17:00-dan sonra “Times Square”da davam etdiriləcək”.
Xəbər lenti
Qərbi Azərbaycan İcmasından ABŞ Dövlət Departamentinə CAVAB
"Ermənistandan qovulmuş azərbaycanlıların qayıdış hüququna hörmət etməyə çağırırıq"