Mahnı sədaları altında Laçına gedən udilər

06:44 13-05-2021 | icon 632 | Cəmiyyət
Mahnı sədaları altında Laçına gedən udilər

Azərbaycan Alban-udi dini icmasının nümayəndələri 180 ildən sonra üçüncü dəfədir ki, Laçın rayonunda yerləşən “Ağoğlan” məbədini ziyarətə yollanıblar. Budəfəki ziyarətdə əsas məqsəd məbəddə Pasxa bayramını qeyd etməkdir. Elə buna görə də ziyarət səfərini tam fərqli şəkildə təşkil ediblər.

 

Versus.Az “Report”-a istinadən xəbər verir ki, icma nümayəndələri səfər zamanı yol boyu öz inanclarına məxsus mahnılar ifa ediblər. Elə bu minvalla da uzun bir yolu qət edərək müqəddəs ziyarətgahın yerləşdiyi Ağoğlan kəndinə çatıblar.

 

Onlar monastırda ibadətlərini etdikdən sonra şamlar yandırıblar. Sonra 44 günlük Vətən müharibəsində canından keçən şəhidlərimiz yad edilib və onların ruhuna dualar oxunub. Alban-Udi xristian dini icmasının sədri Robert Mobili məbədə ziyarətin məqsədindən danışıb.

 

Daha sonra Mənəvi Dəyərlərin Təbliği Fondunun icraçı direktorunun müavini Ceyhun Əliyev bildirib ki, düşmən bu abidələri özününküləşdirməyə çalışıb:

 

“Biz çalışırıq ki, ölkəmizdə mənəvi dəyərlərin təbliği sahəsində ardıcıl və səmərəli fəaliyyət həyata keçirilsin. Heç kim üçün sirr deyil ki, 44 günlük Vətən müharibəsindən sonra işğaldan azad edilmiş dini abidələrimiz mənəvi miras olaraq bizim tarixi mirasımızdır”.

 

Qeyd edək ki, səfərdə həmçinin Dini Qurumlarla İş üzrə Dövlət Komitəsinin əməkdaşları və media nümayəndələri iştirak ediblər. Səfər Dövlət Komitəsinin tabeliyində olan Mənəvi Dəyərlərin Təbliği Fondunun maliyyə dəstəyi ilə həyata keçirilib.

 

Xatırladaq ki, “Ağoğlan” məbədi erməni vandalizminin qurbanı olan abidələrimizdən biridir. V-VI əsrlərə aid bazilika Ağoğlan çayının sahilində yerləşir. Abidə müxtəlif vaxtlarda uçqun və dağıntılara məruz qaldığından IX əsrdə yenidən inşa edilərək forma etibarilə monastır üslubuna uyğunlaşdırılıb.

 

İşğal dövründə ermənilər tərəfindən abidə saxtakarlığa məruz qalıb. Ermənilər monastırı özününküləşdirmək üçün onun memarlıq quruluşu və interyerinə qeyri-qanuni olaraq dəyişiklik ediblər.

 

 

Xəbər lenti

InvestAZ

Ən çox oxunan xəbərlər

Əfəndilər, Yardımlı da Azərbaycandır

Röyanın Moskva konserti təxirə salındı - SƏBƏB?

Moskvadakı dəhşətli terrorda ölənlərin sayı 150-yə çatıb

Rusiyada teraktda yaralananların durumu açıqlanıb

Ayılar üçün maraqlı əyləncə

Artritə səbəb olan 5 mühüm SƏHV

İdmançımız Almaniyada keçirilən turnirdə ikinci qızıl medalını qazanıb

Tarixçidən maraqlı faktlar

Gündə 1 dəqiqə cəfəri çeynəyin

Şəfalı olduğu düşünülən bu bitkilər böyrəkləri çürüdür

Gimnastlarımız Dünya Kubokunda finala yüksəliblər

İtlər hətta simvolları da anlayırlar

Dəri problemlərindən mərciməklə xilas olun

Bu iki ədviyyatı birgə istifadə edin

Almaniya səfərdə Fransanı məğlub etdi