"Bunun gələcəkdə fəsadlarını yaşamamaq üçün vəziyyətdən istifadə etməliyik"

 

Kütləvi tədbirlərin, xüsusən də toy və yas məclislərinin açıq havada hansısa formada karantin qaydalarını gözləməklə keçirilməsinə icazə vermək olar.

 

Bunu “ARB 24”ün “Nə baş verir?” verilişinə açıqlamasında həkim Adil Qeybulla deyib.

 

O bildirib ki, bütün yumşaldılmalara baxmayaraq, qapalı mühitdə karantin qaydalarının gözlənilməsi şərt olaraq qalır:

“75-100 nəfər civarında şəxslə karantin davranış qaydalarının gözlənilməsi ilə toylara icazə verilməsi yaxşı olardı. Bunun gələcəkdə fəsadlarını yaşamamaq üçün vəziyyətdən istifadə etməliyik. Lakin hər an “sürpriz” olma ehtimalını yaddan çıxarmamalıyıq. Çünki artıq Hindistandan ciddi xəbərlər gəlir, pandemiya sona çatmayıb və ÜST bununla bağlı rəsmi elan verməyib. Buna görə də hər zaman sürprizlərə hazır olmalıyıq”.