Şəhid həmkarlarımın XATİRƏSİNƏ

11:24 05-06-2021 | 4553 | Köşə

Sizin şəhidliyiniz bir daha bizi əmin etdi ki...

TAHİRƏ QAFARLI

Erməninin ayağı torpaqlarımızdan kəsilib atılmayınca, bizə rahatlıq olmayacaq. Nə zamana qədər ki, biz tolerantlığımızı, humanistliyimizi ermənikimilərə sübut etməyə çalışacağıq, üstümüzə gələcəklər. Nə vaxtda qədər ki, Azərbaycan sərhədləri bütöv, qara dəliksiz olmayacaq, nə vaxta qədər ki, Azərbaycan sərhədləri hər bir yabanı üçün bağlı saxlanılmayacaq, ermənilərin törətdiyi fəsadlar davam edəcək, sərhədlərdə mülki insanlarımız qətlə yetiriləcək. Nə vaxta qədər ki, Azərbaycan erməni təxribatına, fransız erməniliyinə, həyasızlığına sadəcə "təəssüf edirik" deyib münasibət bildirəcək, ermənikimilər üstümüzə gələcək. Nə vaxta qədər ki, işğalçının başı əzilməyəcək, öz zəhərini tökməyə davam edəcək. Nə vaxta qədər ki, Azərbaycan bütün ərazilərinə Azərbaycan vətəndaşlarının köçürülməsini təmin etməyib, nə vaxta qədər Azərbaycan ərazilərində yaşayan erməni xalqının iddiaları susdurulmayacaq, ermənikimilər üstümüzə gələcək.

Azərbaycan dərhal Rusiyadan sülhməramlılarının öz missiyasını düzgün icra etməsini tələb etməlidir. Azərbaycan onun daxili işlərinə müdaxilə edən dövlətləri yerində oturtmalıdır. Ərazilərimiz minalardan təmizlənmədən, Laçından ermənilərə verilən dəhliz bağlanmadan heç bir kommunukasıya xəttlərindən söz getməməlidir. Kommunukasiyada maraqlı olan dövlətlər - istər qardaş olsun, istər dost, istər əməkdaş - birinci növbədə Azərbaycanın suverenliyinin bərpasını təmin etməlidir. Azərbaycan qanunlarına tabe olmayan ermənilər dərhal ərazilərimizdən çıxarılmalıdır. Azərbaycan torpaqlarının kimlərsə üçün qulp olmasına imkan verməməlidir.

Bunu bizdən iyunun 4-də Kəlbəcərdə öz vəzifələrini icra edərkən ermənilərin yolda tank əleyhinə basdırdığı minaya düşərək həlak olan jurnalistlərin haqqı tələb edir. Biz Azərbaycan, şəhidlərimiz, qazilərimiz naminə bunun hesabını düşməndən soruşmalıyıq. Düşmənə özü kimi cavab verilməlidir. Vəssalam.

Allah şəhid həmkarlarıma, bütövlükdə bu torpaq uğrunda canını, qanını verən hər bir şəhidimizə rəhmət eləsin. Qisasları tezliklə alınsın! Əziz həmkarlarım, sizin şəhidliyiniz bir daha bizi əmin etdi ki, mənfur düşmənin başı birdəfəlik əzilməlidir. Mənfur düşmənə bizim torpaqlarda nəfəs almağa imkan verilməməlidir!..

Yeriniz cənnət, ruhunuz şad olsun!...