“Növbədənkənar Parlament seçkiləri qaçılmazdır”
Razi Nurullayev: “Parlament seçkiləri 2020-ci ildə keçirilərsə, 2025-ci ildə Prezident seçkiləri ilə üst-üstə düşər”
“Prezident seçkilərindən sonra belə bir fikir səsləndirmişdim ki, Parlament seçkilərinin də növbədənkənar keçirilməsi qaçılmazdır. Bu gün də həmin fikrin üzərində dayanıram”.
Bunu Azərbaycanda növbədənkənar Parlament seçkilərinin mümkünlüyü ilə bağlı Versus.Az-a açıqlamasında Azərbaycan Xalq Cəbhəsi Partiyasının (AXCP) sədri Razi Nurullayev bildirib.
Partiya sədri qeyd edib ki, əgər Parlament seçkiləri 2020-ci ildə keçirilərsə, o zaman növbəti seçki 2025-ci ildə Prezident seçkiləri ilə üst-üstə düşür:
“Eyni zamanda iki seçkinin keçirilməsi, Prezident seçkisinin Parlament seçkisindən qabaq keçirilməsi təcrübədə yoxdur və heç doğru da sayılmır. Həmişə Parlament seçkiləri keçirilir, bu seçkidə iqtidar özünə qələbə təşkil edir, sonra Prezident seçkisi keçirilir.
Bu baxımdan Azərbaycanda Parlament seçkilərinin Prezident seçkilərindən öncə keçirilməsi mümkün görünmür. Düşünürəm ki, gələn ilin aprel ayında növbədənkənar Parlament seçkiləri gözləniləndir”.
SEVDA
Versus.Az
Xəbər lenti
Bakının mərkəzində yeni PUL TƏLƏSİ
İnsanlar müəyyən məbləğ ödəyərək, turnikə çıxır və...