İnternet televiziyaları lisenziya almadan fəaliyyət göstərə biləcəkmi?

19:28 21-06-2021 | icon 360 | KİV
İnternet televiziyaları lisenziya almadan fəaliyyət göstərə biləcəkmi?

Yeni hazırlanan “Media haqqında” qanun layihəsində onlayn resurslar, xüsusən, audiovizual yayımla bağlı fəaliyyət və lisenziyalaşdırılmaya dair müddəalar müəyyən müzakirələrə yol açıb.

 

Bəzi ekspertlər hesab edirlər ki, yeni qanunun qəbul olunması ilə televiziya və radio yayımı sahəsində lisenziyalar artacaq, internet televiziyalar lisenziya almadan fəaliyyət göstərə bilməyəcək, lisenziya almaq üçün nəzərdə tutulan tələblər isə daha çox nəzarət mexanizmi funksiyası daşıyacaq.

 

Milli Televiziya və Radio Şurasından bildirilib ki, MTRŞ-nın yeni “Media haqqında” qanun layihəsi ilə bağlı onlayn resurslara verdiyi açıqlama, xüsusən, audiovizual yayımla bağlı fəaliyyətin və lisenziyalaşdırılması ilə bağlı izahatı maraq doğurub və bəzi suallar yaradıb.

 

“Bildiririk ki, “Media haqqında” qanun layihəsində televiziya və radio yayımı sahəsində lisenziyaların artması yox, əksinə azalması gözlənilir. Belə ki, hazırda mövcud olan qanunvericiliyə görə Şura 11 növ lisenziya verir, amma yeni qanun layihəsində görə bu say 10-a düşəcək və bu lisenziyalar arasında internet televiziya və ya internet radio yayımı üçün lisenziya mövcud deyil”, - deyə MTRŞ-dan qeyd ediblər.

 

Bildirilib ki, platforma yayımçısı lisenziyası var ki, bu da həmin yayımçıların müxtəlif yayım platformalarına daxil olmasını istəməsi ilə əlaqədardır:

“Hazırda bir sıra internet televiziya və radio kanalları mövcuddur ki, onlar kabel, İPTV və OTT operatorların paketlərində təmsil olunmaq və lisenziya almaq üçün Şuraya müraciət etmişlər. Lakin qanunvericilik imkan vermədiyindən biz bu məsələyə baxa bilmirik. Yeni qanun layihəsi qəbul olunarsa həmin kanallara platforma yayımçısı kimi lisenziya verərək onlara kabel, İPTV, OTT və digər tezlik və peyk tutum resursu tələb etməyən yayım ortamından yayım aparmaq imkanlarını tanımış oluruq.

Təbii olaraq internet üzərindən yayım aparan yayımçıların bu platformalara düşməsi üçün minimal tələblər müəyyən olunur ki, bu da onların öz veb-saytından yayım aparması və bu yayımın gün ərzində minimum 8 saat olmasıdır. Əks halda platforma operatorlarının onları öz yayım paketlərinə salmasının heç bir əhəmiyyəti olmayacaq.

Bildiririk ki, platforma yayımçısı kimi lisenziya almaq istəməyən, yaxud platforma yayımçısı kimi müəyyən olunan tələblərə cavab verməyən internet televiziya və ya radio kanalları yenə də sərbəst fəaliyyət göstərə biləcəklər. Bu, sadəcə, onların media subyekti kimi tanınmamasına və media reyestrinə daxil olmamasına səbəb olacaq.

Həmçinin qeyd olunmalıdır ki, qanun layihəsində yayımçı fəaliyyəti ilə operator fəaliyyəti köklü olaraq fərqləndirilir. Bundan başqa, tezlik və peyk tutumu resurslarından istifadə olunmaqla audiovizual media fəaliyyəti müsabiqə əsasında digər audiovizual fəaliyyətin isə müsabiqə olmadan sadələşdirilmiş prosedur əsasında lisenziyalaşdırılması təklif olunub”.

Xəbər lenti

InvestAZ

Ən çox oxunan xəbərlər

Əfəndilər, Yardımlı da Azərbaycandır

Röyanın Moskva konserti təxirə salındı - SƏBƏB?

Moskvadakı dəhşətli terrorda ölənlərin sayı 150-yə çatıb

Rusiyada teraktda yaralananların durumu açıqlanıb

Ayılar üçün maraqlı əyləncə

Artritə səbəb olan 5 mühüm SƏHV

İdmançımız Almaniyada keçirilən turnirdə ikinci qızıl medalını qazanıb

Tarixçidən maraqlı faktlar

Gündə 1 dəqiqə cəfəri çeynəyin

Şəfalı olduğu düşünülən bu bitkilər böyrəkləri çürüdür

Ən sürətli qol

Gimnastlarımız Dünya Kubokunda finala yüksəliblər

İtlər hətta simvolları da anlayırlar

Dəri problemlərindən mərciməklə xilas olun

Bu iki ədviyyatı birgə istifadə edin