“Gərək Nəsir bəy bu məsələdə məndən inciməsin”

12:48 13-11-2018 | icon 403 | Siyasət
“Gərək Nəsir bəy bu məsələdə məndən inciməsin”

 

Tahir Kərimli: “Onun AXC hakimiyyətinin yıxılması proqramı ilə razılaşmasını qəbul edə bilməzdim”

 

 

“Nəsir Ağayev AXC hakimiyyətini qəbul eləmədi və ona qarşı çıxdı. Səhv eləmirəmsə, o vaxt dövlət başçısı ilə də görüşdü. Akademiyada konfrans keçirdilər ki, yeni iqtidarı müdafiə etsinlər. Təbii ki, mən müxalifət idim və 1993-cü ildə hakimiyyətimizi qorumalıydım”.

 

Bunu Versus.Az-a Vəhdət Partiyasının sədri, millət vəkili Tahir Kərimli Bakı və Kəndlər Birliyinin ilk sədri Nəsir Ağayevin “Tahir Kərimli Bakı və Kəndlər Birliyini həzm elədi” fikrinə açıqlamasında deyib.

 

T.Kərimli bildirib ki, Bakı və Kəndlər Birliyi Xalq hərəkatında çox ciddi iştirak edən və mühüm rol oynayan təşkilat idi:

 

“Nəsir bəyin hərəkatda böyük xidmətləri olub və onu böyük millətçi bir adam kimi tanıyıram. Amma o vaxt mən müxalifətdə idim və hakimiyyətimizin əldən getməyinin tərəfdarı deyildim. O zaman Əbülfəz Elçibəyi müdafiə edən, müstəsna dərəcədə əqidə sahibi Hacı Cəbrayıl Əlizadənin Bakı və Kəndlər Birliyinə sədrliyini müdafiə elədim. Gərək Nəsir bəy bu məsələdə məndən inciməsin. Onun yadında olar ki, biz hakimiyyətə gəlməmişdən qabaq, Yasamalda AXC-yə hücum vaxtı başqa şəxslərlə birlikdə onu qucağımda qohumumuzun evinə aparmışdım. Mən onu çox istəməsəydim, elə eləməzdim. Amma onun AXC hakimiyyətinin yıxılması proqramı ilə razılaşmasını qəbul edə bilməzdim. O məni gərək üzürlü saya”.

 

T.Kərimli Bakı və Kəndlər birliyinin ona olan etimadı və hörmətinin səbəblərini belə açıqlayıb:

 

“Bu təşklat olmasaydı, hakimiyyəti uzaqlaşdırmaq mümkün deyildi. Biz onlarla birlikdə MTN-i, Milli Məclisi, Azərbaycan Televiziyasını tutmuşduq. Bu təşkilat bizə o qədər doğma idi ki, biz onun əsasında Vəhdət Partiyasını yaratmışıq. Bakı kəndlərində, məsələn Nardaranda və digər kəndlərdə belə bir xüsusiyyət var ki, bir insanı 10 illərlə yoxlayarlar, sevməzlər, amma elə ki, inandılar, onu çox istəyib müdafiə edərlər. Görünür mənə inanıblar və o vaxta qədər onların gözündə iynə ucu qədər mənfi görünməmişəm, ona görə də məni seçiblər. İndi eşidirəm narazılıqlar edirlər ki, “Tahir Kərimli getdi iqtidarla birləşdi”. O vaxt başqa zaman idi. O vaxt mən onları çox istəmişəm, onlar da məni”.

 

Bakı və Kəndlər Birliyinin hazırkı durumu və bərpasına gəlincə, deputat hazırda bu məsələyə müdaxilə etmək istəmədiyini deyib:

 

“Bakı və Kəndlər Birliyi ictimai təşkilatdır və hələ ki, bu formada qalır. Birliyin bir çox üzvləri hazırda bizim partiyada aparatda təmsil olunur. Açıq deyək, indi partiyalar da əhəmiyyətli dərəcədə zəifləyib. Guya biz nə edə bilirik ki, bu birlik də nəsə etsin”.

 

ARZU
Versus.Az

Xəbər lenti

InvestAZ

Ən çox oxunan xəbərlər

O, yalnız seçkidən seçkiyə deyil, hər zaman seçicilərinin yanında oldu

Mehriban Sadıqovanın namizədliyi təsdiqləndi

Məcburi köçkün məktəbinin olimpiada qalibi olan şagirdi

101 saylı Göygöl-Daşkəsən seçki dairəsindən namizəd - HAFİZ HACIYEV

Rauf Arifoğlunun kötükdən büt yapanları

52 saylı Quba seçki dairəsindən namizəd - ƏLABBAS MƏHƏRRƏMOV

Doktorantura, sınaq, buraxılış və magistraturaya qəbul imtahanlarının vaxtı açıqlanıb

Eksternat imtahan keçiriləcək

Məktəblər üçün qış tətilinin vaxtı müəyyən edilib

Doktoranturaya qəbul qaydaları dəyişib

Sizi İqbal Ağazadənin seçki qərargahından salamlayıram

35 saylı Xətai Üçüncü Seçki Dairəsindən namizəd - İQBAL AĞAZADƏ

79 saylı İmişli seçki dairəsindən namizəd - RAZİ NURULLAYEV

105 saylı Tovuz seçki dairəsindən namizəd - QƏNİRƏ PAŞAYEVA

125 saylı Zəngilan-Qubadlı Seçki Dairəsindən namizəd - ƏLİSAHB HÜSEYNOV