MMP-çilər Şəkidə faciə qurbanlarını yad edb

Müasir Müsavat Partiyasının Şəki rayon təşkilatında 20 Yanvar faciəsinin 28-ci ildönümü ilə əlaqədar anım tədbiri keçirilib.

Versus.Az xəbər verir ki, təşkilatın sədri Mübarək Lətifova 20 Yanvar faciəsində şəhid olan insanların keçdiyi şərəfli yoldan danışıb:

“Allah bütün bizim igid oğul, qızlarımıza, şəhidlərimizə qəni-qəni rəhmət eləsin, qalanlara isə səbr versin. Şəhidlərimizin qanı yerdə qalmayacaq, nə vaxtsa bizim millət onların qisasını alacaq, gec-tez həqiqət üzə çixacaq və şəhidlərimizin ruhu rahat yatacaq. Həqiqət bizimlədi. Biz gərək öz vətənimizi bizim şəhidlərimiz kimi sevək, necə onlar canlarını verdilər öz vətənləri naminə eləcə də biz. Hər bir Azərbaycanlı üçün vətən birinci yerdə olmalıdır, biz onu həmişə sevməliyik və hər zaman qorumalıyıq. Həmişə həmrəy olmalıyıq ki, heç kim bizi qıra bilməsin, baş əydirə bilməsin”.

Tədbirin digər çıxışçıları da hər zaman bir yumruq kimi olmağı vacib sayıblar. Bildirilib ki, hər yerdə hər an vətənimizin qədrini bilməli, onu sevməli və heç vaxt onu düşmən ayağına verməməliyik.

Tədbir iştirakçıları yanvarın 20-də Şəhidlər Xiyabanına ediləcək ziyarətlə bağlı görüləcək işlərdən danışıblar.