Müxtəlif peyvəndləri birləşdirmək olarmı? - Ekspert AÇIQLADI

Rusiya Uşaq İnfeksiya Xəstəlikləri Tədqiqat və Klinik Mərkəzində yoluxucu xəstəliklərin qarşısının alınması şöbəsinin müdiri Susanna Harit dünyada fərqli peyvəndlərin birləşdirilməsi haqqında araşdırmaların getdiyini bildirib. Ekspert bildirib ki, bu səbəbdən başqa bir şirkətin dərmanı ilə yenidən peyvənd olunmaq böyük ehtimalla məqbul olacaq.

Publika.az xəbər verir ki, həkim bu metoddan istifadə edərək effektivliyi pozmadan allergik reaksiya riskini azaltmağın mümkün olacağını deyib.

“Ənənəvi olaraq bu edilmir. Sağlamlığa zərər verə bilərmi? Düşünmürəm. Sual budur ki, nə ilə nəyi birləşdirmək lazımdır. Eyni platformadan olan peyvəndlər asanlıqla birləşdirilə bilər. Tamamilə fərqli vaksinlər haqqında danışırıqsa, burada düşünmək lazımdır”, - deyə, Sankt-Peterburq Dövlət Universitetinin professoru Aleksey Yakovlev “Peterburq gündəliyi” qəzetinə müsahibəsində bildirib.