Metroda relslərin üzərinə düşən gənc kimdir?

Metronun “Ulduz” stansiyasında relslərin üzərinə düşən şəxsin kimliyi aydın olub.

Versus.Az “Bakı Metropoliteni” QSC-nin mətbuat xidmətinə istinadən xəbər verir ki, bu 23 yaşlı Şahlar Həsənovdur.

Onun relslərin üzərinə ehtiyatsızlıqdan və yaxud bilərəkdən yıxılması hələ dəqiqləşməyib.

Yıxılan zaman gənc müxtəlif xəsarətlər alıb və təcili tibbi yardım vasitəsi ilə xəstəxanaya çatdırılıb.

Hadisədən sonra qatarların hərəkətində 11 dəqiqəlik gecikmə baş verib. Hazırda qatarların hərəkəti bərpa olunub. 

Araşdırma aparılır.

19:39

Metronun “Ulduz” stansiyasında sərnişin özünü qatarın altına atıb.

“Report” xəbər verir ki, bu səbəbdən qatarların hərəkəti dayanıb və sərnişinlər təxliyə olunub.

“Bakı Metropoliteni” QSC-nin mətbuat xidmətinin rəhbəri Bəxtiyar Məmmədov faktı “Report”a təsdiq edib.