Şəhidin xatirəsinə bulaq inşa edildi
Şəki şəhərinin Oxut kənd məzarlığında şəhidin xatirəsini əbədiləşdirən abidə-bulaq kompleksi istifadəyə verilib.
Versus.Az-ın məlumatına görə, Vətən müharibəsi qəhrəmanlarından biri olan şəhid Həmidzadə Hüseyn Akif oğlunun adına bulağın açılışı olub.
Açılışda şəhidin qohumları, döyüş yoldaşları, ictimaiyyət nümayəndələri iştirak ediblər.
O, 1995-ci il oktyabr ayının 15-də Bakı şəhərində anadan olub. 2014-2018-ci illərdə Kooperasiya Universitetinin iqtisadiyyat fakültəsində ali təhsil alıb. 2018-ci ildə Murovdağ zirvəsində həqiqi hərbi hissədə xidmətdə olub.
27 sentyabr 2020-ci ildə başlamış Vətən müharibəsi zamanı könüllülər sırasına qoşulur.
O, Füzuli, Cəbrayıl, Xocavənd rayonlarının işğaldan azad edilməsində misli görünməmiş qəhrəmanlıq göstərir, düşmənin çox sayda tankını, ağır texnikasını sıradan çıxarır.
Ötən il oktyabrın 25-də Xocavənd rayonu ərazisində gedən döyüşlər zamanı ağır yaralanan Hüseyn noyabrın 1-də qəhrəmancasına şəhidlik zirvəsinə ucalıb.
Qəhrəman igidimiz Şəki rayonunun Oxut kənd məzarlığında dəfn olunub.
O, “Vətən uğrunda”, “Cəbrayılın azad olunmasına görə”, “Füzulinin azad olunmasına görə” və “Xocavəndin azad olunmasına görə” medalları ilə təltif edilib.
Xəbər lenti
Daha bir bank BAĞLANIR
Depozitlərin və kreditlər portfelinin azalması da...