Maliyyə Nazirliyi 10 milyon manatlıq HƏRRAC

11:50 03-09-2021 | 968 | İqtisadiyyat

Maliyyə Nazirliyindən 10 milyon manatlıq HƏRRAC: Ağır şərtlər irəli sürüldü

Sentyabrın 7-də Bakı Fond Birjasında Maliyyə Nazirliyinin 10 milyon manatlıq Dövlət Ortamüddətli İstiqrazları (DOİ) üzrə hərrac keçiriləcək.

Valyuta.az xəbər verir ki, BFB bu barədə məlumat yayıb.

Hərrac zamanı sifarişlərin toplanması BFB-nin ticarət reqlamentinə uyğun olaraq saat 11:00-dan 12:30-dək təşkil olunacaq.

İstiqrazların buraxılış parametrləri barədə məlumat aşağıdakı cədvəldə verilmişdir:

Dövlət istiqrazının növü	Faizli, ortamüddətli dövlət istiqrazları
Qiymətli kağızın ISIN kodu	AZ0108028884
Emissiya həcmi	10 000 000 manat
Nominal dəyəri	100 manat
İstiqrazların tədavül müddəti	1820 gün
Faiz ödənişləri (olduqda)	8 mart 2022-ci il, 6 sentyabr 2022-ci il, 7 mart 2023-cü il, 5 sentyabr 2023-cü il, 5 mart 2024-cü il, 3 sentyabr 2024-cü il 4 mart 2025-ci il, 2 sentyabr 2025-ci il 3 mart 2026-cı il, 1 sentyabr 2026-cı il
Faiz gəliri	6.5 %
Ödəmə tarixi	01.09.2026
Anderrayter	“PAŞA Kapital İŞ” QSC

Hərrac zamanı, qeyri-rəqabətli sifarişlərin istiqrazların buraxılışının 20%-dən artıq olmamaq şərti ilə qəbul edilməsinə icazə verilir.

Bundan əlavə, hərrac iştirakçıları tərəfindən istiqrazların alınması üçün verilən sifarişlərin həcmi Emitent tərəfindən hərraca çıxarılmış istiqrazların həcminin 20%-dən aşağı olduğu təqdirdə, Emitent bu sifarişləri qəbul etməyə bilər.

Hərrac zamanı dövlət istiqrazlarına tələb təklifi üstələyəcəyi və qiymət Emitenti qane edəcəyi halda isə, Emitent tərəfindən təklif edilən istiqrazların həcmi 50 faizədək artırıla bilər.

Hərracda iştirak etməkdə maraqlı olan şəxslər birja üzvü olan investisiya şirkətlərinə müraciət edə bilərlər.

Versus.az