Braziliya - Argentina oyunu təxirə salındı
DÇ-2022-nin Cənubi Amerika zonası üzrə seçmə mərhələsinin Braziliya – Argentina oyunu təxirə salınıb.
Qeyd edək ki, DÇ-2022-nin seçmə mərhələsində Braziliya Argentina yığmasını qəbul edib. Oyunun başlanmasından dörd dəqiqə sonra matç dayandırlıb - 0:0. Meydana Braziliya Milli Sağlamlıq Nəzarət Agentliyinin əməkdaşları və polislər daxil olub. Onların məlumatına görə, Argentina yığmasının dörd futbolçusu karantin rejimini pozaraq ölkəyə daxil olublar. Bunlar, Emiliano Martines, Emiliano Buendia (hər iki futbolçu “Aston Villa”da oynayır), Covanni Lo Çelso, Kristian Romero ( hər iki futbolçu “Tottenhem”də çıxış edir).
Böyük Britaniyadan Braziliyaya gələnlər 14 gün karantində olmalıdırlar.
Məlumata görə, adı qeyd olunan futbolçular karantin rejimini pozublar. Qeyd olunur ki, Argentina yığmasının futbolçuları meydanı tərk ediblər.
Xəbər lenti
Bakının mərkəzində yeni PUL TƏLƏSİ
İnsanlar müəyyən məbləğ ödəyərək, turnikə çıxır və...